शरद सिंह भण्डारी जति पटक मन्त्री भए उनी मातहत बसेर काम गर्दै आएका विश्वासपात्र हुन सूर्यबहादुर खत्री । पटक पटक उनका नीजि सचिव भएर सचिवालयमा बसे उनै खत्रीलाई शरदसिंह मन्त्री भएसँगै आफ्नो कोर टिममा भित्र्याए । बाँके हुँदै अर्घाखँचीमा प्रमुख जिल्ला अधिकारी रहेका उनलाई श्रममा भित्र्याएर वैदेशिक रोजगार विभागको महानिर्देशकको जिम्मेवारी दिएर पठाए ८१ भदौं पहिलो साता ।
बिज्ञापन
उनै खत्री विभागमा भित्रिएपछि कहिले विदेशी दातृ निकायको रकममा पत्नी बोकेर वैदेशिक भ्रमणमा निस्किएर बदमासी कमाइरहेका छन् भने उनी मातहतको कार्यालयबाट दैनिक ७० लाख घुस संकलन हुने गरेको बिषय संसदमै उठेको छ । पूर्व मन्त्री डिपी अर्यालले सदनमै वैदेशिक रोजगार विभाग ताहाचल घुसको अखडाको केन्द्र बनेको बिषय उठान गरेका थिए ।
बिज्ञापन
श्रम मन्त्रालय घूसको अड्डा बनेको छ,’ रोष्टमबाटै पूर्व श्रम मन्त्री अर्यालले भने, ‘ताहाचल कार्यालयमा प्रतिदिन ७५ लाख घूस सङ्कलन हुने र डिजी र मन्त्रीसम्म पुग्ने जानकारी हामीले पटक–पटक गराए पनि त्यो कार्य रोकिएको छैन ।’ वर्तमान मुख्य सचिव यस अघि श्रम सचिव थिए । उनै एकनारायण अर्यालको समयमा वैदेशिक रोजगार कार्यालयलाई विचौलियालाई प्रवेश निषेध हुने गरी सबै सिष्टम अनलाइनमा लगेका थिए । तर अहिले अनलाइन सिष्टम त छ तर,कर्मचारीहरुले त्यसलाई विगारिदिएका छन्,प्रभावकारी कार्यन्वयन हुन सकेको छैन,अनलाइन सिष्टम ।
खत्रीले त्यहाँ आफू अनुकुलका टिम लगेर फिट गराएका छन् । पटक पटक सोही कार्यालयमा बसेका तल्ला तहका कर्मचारीहरुलाई सो कार्यालयमा राखेर घुस संकलन भइरहेको स्रोतको भनाई छ । एउटै कर्मचारी पटक पटक सोही कार्यालयमा पुग्नुको पछाडिको मुख्य कारण त्यहाँ हुने अतिरिक्त आम्दानी । त्यहाँ लामो समयदेखि जरा गाँढेर बसेका कर्मचारी हुन उमेश अधिकारी । उनी पटक पटक सरुवा भएर सोही कार्यालयमा पुगेका छन् । एउटा कर्मचारी एउटै कार्यालयमा घुमिफिरी तीन पटकसम्म जानुलाई स्वभाविक मान्दैनन्,श्रमका कर्मचारीहरु । उनी झैं कम्युटर अपरेटर अनुप श्रेष्ठ,रामप्रसाद अचार्य,रामप्रसाद पोखरेल,रामु पौडेलहरु पटक पटक सोही कार्यालयमा फिट गराइएको छ ।
बिज्ञापन
घुसखोरीका लागि बदनाम सरकारी अड्डाका रुपमा चिनिएको बैदेशिक रोजगार कार्यालयमा यी र यस्तै कर्मचारीका कारण बदनाम हुँदै गएको बताइन्छ ।
पछिल्लो समय वैरोमा पाराडाइज इन्टरनेसनल प्रा लि,,एसओएस म्यानपावर सर्भिस प्रा लि, अक्सफोर्ड इन्टरनेसनल प्रा लि, लिंक इन्टरनेसनल प्लेसमेन्ट सर्भिस प्रा लि, डिवान कन्सल्ट्यान्ट्स प्रा लि, फजल इन्टरनेसनल प्रा लि, साउण्डलाइन्स रिक्रुटमेन्ट प्रा लि, मोभिरा रिक्रुटमेन्ट कन्सल्टेन्सी सर्भिस प्रा लि र लक्की एच आर सोलुसन लगायतका म्यानपावरबाट सबैभन्दा धेरै उजुरी र गुनासो पर्ने गरेको श्रम स्रोतले जनाएको छ । पछिल्लो समय ती म्यानपावरसँग वैरोका कर्मचारीहरुको मिलेमातोमा उनीहरु उपर कुनै कारवाही नहुने गरेको पीडितहरु बताउँछन् ।
राम्रो तलब, सुविधा र सजिलो कामको सपना देखाएर कामदारलाई आकर्षित गर्ने, भिसा वा अनुमति नआउँदै पैसा उठाउने अनि अन्तिम समयमा बहाना बनाएर फर्काइदिने,सरकारले तोकेको भन्दा धेरै रकम असुल्ने काम सो कार्यालयमा भइरहेको छ । यी म्यानपावरहरुले शुरुवातमा राम्रो कामको आश्वासन दिएर पठाउने तर पछि गाह्रो वा खतरनाक काममा लगाउने, करारमा भनेको भन्दा धेरै घण्टा काम लगाउने, कम तलब दिने वा कुनै सुविधा नदिने,समस्या परेपछि कुनै सहयोग नगर्ने गरेको पीडितहरुको गुनासो छ । विदेशमा कामदारले ठगिए वा समस्यामा परेपछि सम्पर्क विच्छेद गर्ने काम गर्ने गरेको हाम्रा सम्पर्कमा आएका केही पीडितहरुको गुनासो् छ ।
यी म्यानपावरहरुले वैदेशिक रोजगार विभाग, अध्यागमन, मेडिकल जाँच केन्द्र, एयरपोर्ट कर्मचारीहरूसँग मिलेर सेटिङ गर्दै आएका थिए । विदेश जानुअघि आवश्यक पर्ने ट्रेनिङ वा भाषा कक्षा नक्कली बनाउने, पैसा उठाउने तर ठीक प्रशिक्षण नदिने उक्त म्यानपावरहरूले गर्दै आएको छन् भने त्यसलाई संरक्षण महानिर्देशक खत्रीले गर्दै आएका छन्। सोही मार्फत मोटो रकम असुल्दै गर्दै आएको कर्मचारीहरुको आरोप छ ।
महानिर्देशक खत्री डोटी, मुगु, बॅाके, अर्धाखॅाची, महोत्तरी, ओखलढुंगा, रामेछाप लगायतका जिल्लामा प्रमुख जिल्ला अधिकारी भईसकेका हुन। २०५३ मा हुलाक अधिकृत भई कालिकोट, सर्लाही, गोश्वारा हुलाक हॅुदै उपसचिव भएपश्चात अधिंकास समय गृह प्रशासनमा ब्यतित गरेका गुल्मी मालिका गा पा ( साबिक अर्जै) निवासी हुन। उनी केही महिनापछि अवकाश भएर घर जाँदैछन् । सोही कारण उनी उठाउनमा व्यस्त छन्।
श्रममा शर्मानक कार्य :मन्त्री,सहसचिवदेखि उपसचिवसम्म पत्नीसहित वैदेशिक भ्रमणमा
