प्रधानमन्त्री प्रचण्ड सुशासनका कुरा गरेर थाक्दैनन् । प्रचण्ड सरकारकै समयमा ललिता निवास जग्गा प्रकरण,नक्कली भुटानी शरणार्थी प्रकरणदेखि,मेलम्ची खानेपानी भ्रष्टचार प्रकरण अघि बढाएको छ । यही समयमा आइटी क्षेत्रका माफिया मानिएका विकल पौडेलहरु पक्राउ परेका छन् । टेरामेक्स प्रकरणमा भ्रष्टाचार मुद्धा अघि बढाउँदैछ । तर,सिंगो मन्त्रिपरिषद्को सदस्य सचिव मानिएका डा बैकुण्ठ अर्यालका एक पछाडि अर्काे फण्डाहरु बाहिरिरहेका छन् ।एक जना भ्रष्टाचारका अभियुक्तसँग अर्यालको अस्वभाविक कारोवार देखिएसँगै मुख्य सचिव बैकुण्ठ अर्यालको कुर्सी ढलमलाएको छ ।
बिज्ञापन
मुख्य सचिव बैकुण्ठ अर्यालको पद धरापमा परेको छ । एकातिर अर्याल टेरामेक्स प्रकरणको विवादमा मुछिएका छन् । यही प्रकरणमा बहालवाला मन्त्री,पूर्व मन्त्रीसहित मुख्य सचिव बैकुण्ठ अर्यालसँग समेत अख्तियारले बयान लिइसकेको र अबको दुई चार दिनभित्रैमा मुद्धा विशेष अदालतमा दायर गर्ने तयारी चल्दैछ ।
बिज्ञापन
यस्का अलवा भ्रष्टाचारका अभियुक्त मानिएका विकल पौडेलसँग अस्वभाविक कारोवार देखिएसँगै मुख्य सचिव बैकुण्ठ अर्यालको कुर्सी धरापमा परेको हो । आइटी माफियाका रुपमा चिनिएका विकल पौडेल जो सेक्युरिटी प्रिन्टिङ प्रेस सम्बन्धी काण्डमा पक्राउ परेका छन् । उनै बिकल पौडेलसँग आर्थिक कारोबार भएको खुलेसँगै नेपालको प्रशासनिक उच्च नेतृत्वमा रहेका बैकुण्ठ अर्यालको कुर्सी धरमराएको हो । बैकुण्ठले १४ लाख रुपैयाँ रकम बुझेको बाहिरिएसँगै मुख्य सचिव बैकुण्ठ अर्यालको कुर्सी धरापमा परेको हो । पौडेल र अर्यालबीच सामािजक सञ्जालमा नियमित सन्देश आदानप्रदान हुने गरेको, सरकारी फाइल आदानप्रदान भएको र अर्यालले बैंक खाता नम्बर पठाएपछि विकलले क्रमशः ५ लाख र ९ लाख रुपैयाँ दिलाएको विवरण सार्वजनिक भएको छ ।
अर्यालको कुर्सी धरापमा परेको खण्डमा र प्रक्रिया नमिचि मुख्य सचिव बनाइए देव कुमारी गुरागाँई मुख्य सचिव बन्ने छिन् । तर उनी आगामी फागुन २६ मा उमेर हद लागेर घर जाँदैछिन् । तत्कालीन मुख्यसचिव शंकरदास बैरागी खनालले समय अगावै राजीनामा नदिएको भए देवकुमारीलाई नेपालको पहिलो महिला मुख्यसचिवको प्रवल दावेदारको रुपमा हेरिएको थियो तर उक्त सम्भवना अझैं टरिसकेको छैन । अनेकन अनियमिततामा मुख्यसचिव डा बैकुण्ठपसाद अर्याल मुछिएका अवस्था छन् । उनी मुख्य सचिव बनेमा नेपालको इतिहासमा पहिलो महिला मुख्य सचिव हुनेछिन् । यस्तै निमित्तको जिम्मेवारी दिइएको खण्डमा प्रधानमन्त्री कार्यालयमा रहेका सचिवहरुमध्ये बरिष्ठ एक नारायण अर्यालले निमित्तको जिम्मेवारी पाउने सम्भवना रहेको प्रधानमन्त्री कार्यालय स्रोतले जनाएको छ ।
बिज्ञापन
