चर्चित राइड सेयरिङ प्लेटफर्म उबरले आफ्नो फ्लिट सर्भिसमा एक लाख युनिट बीवाईडी कार सामेल गर्ने भएको छ ।युरोप र ल्याटिन अमेरिकाबाट सुरु हुने सेवामा एक लाख कार प्रयोग गर्न उबरले बीवाईडीसँग सम्झौता गरेको हो ।
बिज्ञापन
उबर ड्राइभरलाई विशेष मूल्यमा बीवाईडी कार बिक्री गर्न र सरल फाइनान्स सुविधा दिन समेत दुई कम्पनीबीचत सम्झौता भएको छ ।यसका साथै दुवै कम्पनीले भविष्यमा अटोनोमस प्रविधिको विकास गर्ने सहमति समेत गरेका छन् । उबर प्लेटफर्मका लागि उपयोगी हुने गरी बीवाईडीले अटोनोमस प्रविधिका कार विकास गर्ने सम्झौतामा उल्लेख छ ।
बिज्ञापन
चिनियाँ ब्रान्डका ईभीविरुद्ध युरोप र अमेरिकामा उच्च कर तोकिएका बेला यो सम्झौतालाई विशेष रुपमा हेरिएको कम्पनीको भनाइ छ ।यो सम्झौताले बीवाईडीको बढ्दो विश्वव्यापी प्रभावलाई कसैले पनि रोक्न नसक्ने पुष्टि गरेको कतिपय मिडियाले टिप्पणी गरेको कम्पनीको दाबी छ ।
कम्पनीले मध्य पश्चिम, क्यानडा, अष्ट्रेलिया र न्युजिल्यान्डमा समेत यो सेवा विस्तार गर्ने जनाएको छ ।
बिज्ञापन
