प्रधानमन्त्री केपी शर्मा ओलीले आर्थिक सल्लाहकारमा युवराज खतिवडालाई नियुक्ति गरेका छन् । राष्ट्र बैंकको जागिरबाट अवकाश प्राप्त गरेका युवराज खतिवडा यस्ता पात्र हुन जसले एक पछि अर्काे लाभको अवसर पाइरहेका छन् ।
बिज्ञापन
राष्ट्रिय योजना आयोगको सदस्य तीन पटक, राष्ट्र बैंकको गभर्नर,राष्ट्रिय सभा सदस्य हुँदै अर्थमन्त्री खाइसकेका उनी राजदूत हुँदै पुन केपी शर्मा ओलीको आर्थिक सल्लाहकारको नियुक्ति खाएका हुन । उनले यो समेत गरी १० पटक लाभको अवसर पाएका हुन ।
बिज्ञापन
खतिवडा माधव नेपाल प्रधानमन्त्री हुँदा २०६६ मा उनी नेपाल राष्ट्र बैंकको गर्भनर भए । गभर्नर हुनु अगाडि योजना आयोगको उपाध्यक्ष थिए । सो पद त्यागेर उनी गभर्नर बनेका थिए । २०५९ देखि २०६२ सम्म, २०६६ मा र २०७२ गरी तीनपटक राष्ट्रिय योजना आयोगका उपाध्यक्ष चलाए । २०७४ नेकपाकालमा उनी ओली सरकारको अर्थमन्त्रीसमेत भए । राष्ट्रपतिबाट मनोनीत गर्ने कोटाबाट राष्ट्रियसभा सदस्य बनेका उनको कार्यकाल भने दुई वर्ष मात्र रह्यो । सांसद पद सकिएपछि अर्थमन्त्रीबाट पनि हटेका थिए । तर लगत्तै उनी फेरि सांसद नरहेको व्यक्ति पनि मन्त्री बन्न पाउने व्यवस्थाअनुसार ६ महिनाका लागि मन्त्री बने । ६ महिनापछि अर्थमन्त्रीबाट बाहिरिएपछि पनि उनलाई ओलीले प्रधानमन्त्रीको आर्थिक सल्लाहकारकै रूपमा राखे । पछि उनलाई अमेरिकाका लागि नेपाली राजदूतमा नियुक्त गरे ।
११ जना राजदूत फिर्ता हुँदा खतिवडा पनि फिर्ता बोलाइनेमा परे । राजदूतबाट फिर्ता भएका खतिवडा पुनः प्रधानमन्त्रीको आर्थिक सल्लाहकारका रूपमा सिंहदरबार छिरेका छन् ।
बिज्ञापन
उनले तीन पटक राष्ट्रिय योजना आयोगको उपाध्यक्ष,श्रीलंकामा एसियाली विकास बैंकको जागिरको अवसर, गभर्नर,राष्ट्रिय सभामा मनोनीत सदस्य, ६ महिने अर्थमन्त्री,प्रधानमन्त्रीको आर्थिक सल्लाहकार हुँदै राजदूतको नियुक्ति खाइसकेका छन् । यो युवराजलाई दशौं लाभ हो,यस पटक पनि उनी प्रधानमन्त्री केपी शर्मा ओलीको आर्थिक सल्लाहकार नियुक्ति भएका हुन ।
एमाले पार्टीमै लागेर जेलनेल भोगेका इमान्दार कार्यकर्ताले लाभको कुनै पद नपाइरहेको अबस्थामा केपी ओलीका लागि युवराज खतिवडा यति प्यारा पात्र हुन कि उनले पाएको यो दसौं अवसर हो ।
