शारीरिक रुपमा अशक्त भई हिँडडुल गर्न नसक्ने व्यक्तिलाई जिल्ला प्रशासन कार्यालय तेह्रथुमले घरमै पुगेर नेपाली नागरिकता प्रमाणपत्र प्रदान गरेको छ । प्रमुख जिल्ला अधिकारी मीना अर्यालले शारीरिक रुपमा अशक्त भई हिँडडुल गर्न नसक्ने ६ जनालाई घरमै पुगेर नागरिकता प्रदान गरेकी हुन ।
बिज्ञापन
अर्यालले छथर गाउँपालिकाका ६ जना पूर्ण अपांगता भएका व्यक्तिलाई घरमै पुगेर नागरिकता प्रदान गरेका हुन । अर्यालले छथर गाउँपालिकाको वडा नम्बर ५ को ओख्रे, रातामाटे र खाल्डेका साथै वडा नम्बर ३ को पंचकन्याका २ घर र वडा नम्बर १ को ठकुरी गाउँमा पुगेर सेवा प्रदान गरेकी हुन ।
बिज्ञापन
नागरिकता वितवरण कार्यक्रममा प्रमुख जिल्ला अधिकारी अर्यालका साथैं जिल्ला प्रशासन कार्यालयका नायब सुब्बा राम पसाद भट्टराइ र किशोर भण्डारी समेतको उपस्थिति थियो । यस्तै छथर गाउपालिकाका अध्यक्ष संतविर लिम्बुको टीमले सहकार्य र समन्वयमा नागरिकता वितरण सफलतापूर्वक सफल भएको जिल्ला प्रशासन कार्यालय तेह्रथुमले जनाएको छ ।
प्रमुख जिल्ला अधिकारी अर्यालले शनिवार सार्वजनिक बिदाको दिन विहान ७ बजेदेखि साझ ७ बजेसम्म समय लागेको थियो । पूर्ण अपांगता भएका ( रातो कार्ड प्राप्त )व्यक्तिलाइ घर घरमै पुगी नेपाली नागरिकताको प्रमाणपत्र वितरण गरेको हो ।
बिज्ञापन
