बिज्ञापन

बिज्ञापन

उहाँले भन्नुभयो, ‘बाढीको कारण रसुवा र धादिङ सदरमुकाम सडकसम्पर्क विच्छेद भएका थिए । त्यसलाई हामीले अहिले अन्य वैकल्पिक बाटोबाट सडक सञ्जालमा जोडिसकेका छौँ । रसुवाको लागी टोखा गुर्जे छहरे बाटोबाट बाहुनेबेसी हुँदै समरथली हुँदै त्यसपछि जिरो किलोमिटर रसुवा गएर अनि पासाङ्लामु हुँदै जाने बाटो सुचारु भएको छ । साना गाडी त्यसमा सुचारु भए, अलि ठूला गाडी पनि जाने अर्को वैकल्पिक बाटो पत्ता लगाएर त्यसमा हामी काम गर्दैछौँ । धादिङ सदरमुकाम धादिङबेसी जान मासटारबाट पारीपट्टी त्रिशूलिको दाहिने किनारमा गएर गजुरिटार हुँदै जाने बाटो हामीले सञ्चालनमा ल्याईसकेका छौँ । रसुवा पनि सामाजिक सडक सञ्चालनमा जोडियो र धादिङ सदरमुकाम पनि सडक सञ्चालनमा जोडिएको स्थिति छ ।’

बाढीले नुवाकोटमा त्रिशूली नदी वारिपारिका सडक सम्पर्कमा समेत असर पारेको छ । नदी पार गर्ने पुलहरूमा क्षति पुगेपछि गल्छीदेखि त्रिशूलीको दाहिने किनार हुँदै कोलोनी र त्रिशूलीसम्म पुग्ने अर्को वैकल्पिक मार्ग खोल्ने काम भइरहेको डिभिजन प्रमुख शर्माले जानकारी दिनुभयो । त्रिशूली र देवीघाटमा बेलीब्रिज राख्नेगरि नेपाली सेनासँग समन्वय भइरहेको पनि उहाँले बताउनुभयो । प्रदेश सरकार, स्थानीय तह तथा सडक विभागका अन्य निकायसँगको समन्वयमा सकेसम्म छिटो यातायात सेवा सञ्चालन गर्ने प्रयास भइरहेको उहाँको भनाई छ । बाढीका कारण सडक डिभिजन नुवाकोटका कर्मचारी तथा भौतिक संरचनामा समेत क्षति पुगेको उहाले जानकारी दिनुभयो ।