अख्तियार दुरुपयोग अनुसन्धान आयोगले एक इञ्जिनियर र एक विचौलियालाई घुससहित पक्राउ गरेको छ । अख्तियारको टोलीले काठमाडौंको कागेश्वरी मनोहरा नगरपालिकाको भवन निर्माण तथा बस्ती विकास शाखा प्रमुख इन्जिनियर दिपा कार्कीसहित दुईजना घुससहित नियन्त्रणमा लिएको हो ।
बिज्ञापन
आयोगको टोलीले सेवाग्राहीसँग ६४ हजार रुपैयाँ घुस लिइसकेको अवस्थामा इन्जिनियर कार्की र रकम लिइ मध्यस्थताको काम गर्ने आस्मा कार्कीलाई नियन्त्रणमा लिएको हो।
बिज्ञापन
दिपाले स्ट्रक्चर एनालाइसिसको काम स्वीकृत गरिदिएबापत सेवाग्राहीसँग घुस मागेको उजुरी परेको थियो । स्टक्चर एनालाइसिसको काम स्वीकृत गरेवाफत बार्गेनिङ गर्दै पटक रपटक दु ख दिइ सेवाग्राहीसँग घुस मागेको उनीहरूमाथि आरोप छ।
सोही उजुरीका आधारमा हिजो अख्तियारको टंगालबाट खटिएको टोलीले उनीसहित मध्यस्थको काम गर्ने आस्मा कार्कीलाई पनि नगरपालिकाको कार्यालयबाट नियन्त्रणमा लिएको हो । विशेष अदालतबाट घुस रिसवत भ्रष्टाचारसम्बन्धी मुद्दामा म्याद थप भइ अनुसन्धान प्रक्रिया अघि बढाइएको अख्तियारले जनाएको छ।
