प्रधानमन्त्री तथा मन्त्रिपरिषद् मातहतको सार्वजनिक खरिद अनुगमन कार्यालयले विभिन्न २८ निर्माण कम्पनीलाई कालोसूचीमा राख्ने निर्णय गरेको छ । विभिन्न सार्वजनिक निकायहरूबाट लेखिआए बमोजिम कार्यालयको असार २१ गतेको निर्णयअनुसार २८ निर्माण कम्पनीलाई कालोसूचीमा राख्ने निर्णय भएको हो ।

सडक विभाग,गल्छी त्रिशुली,मैलुङ,स्याप्रुवेसी रसुवागढी सडक योजनाले भारत कन्स्ट्रक्सन तथा सिद्धिसाई जेभीलाई तीन बर्षका लागि कालोसूचीमा राख्न भनेको थियो । सोही अनुसार उक्त निर्माण कम्पनीलाई तीन् बर्षका लागि कालोसूचीमा राखिएको छ । यस्का मालिक हुन राजीव गर्ग र दिपेन्द्रबहादुर शाही । यसरी कालोसूचीमा परेका २८ कम्पनीहरुलाई घटीमा १ बर्षदेखि बढीमा ३ बर्षसम्म कम्पनीहरूले कुनै पनि खरिद कारबाहीमा भाग लिन सक्नेछैनन् ।