भदौ १० गते नेपाल–चीन सीमा नजिकै गएको हिमपहिरो र त्यसपछिको बाढीका कारण करिब १६ लाख मानिस प्रभावित भएका छन् । बाढीपहिरोमा परी हालसम्म ९८७ जनाको मृत्यु पुष्टि भएको राष्ट्रिय विपद् प्राधिकरणले जनाएको छ। हालसम्म चितवनमा ३२१, नवलपरासी पूर्वमा २१६, नवलपरासी पश्चिममा १७०, नुवाकोटमा ९५, गोर्खामा ६५, धादिङमा ५५, तनहुँमा ३८ र रसुवामा २७ जनाको शव फेला परेको जनाइएको छ । यसरी मृत्यु भएकामा दर्जनौं कर्मचारी रहेका छन् । हालसम्म रसुवाको टिमुरेस्थित प्लान्ट क्वारेन्टाइन तथा विषादी व्यवस्थापन केन्द्र, क्वारेन्टाइन कार्यालयमा खरिदार पदमा कार्यरत सल्यान निवासी आयुष खड्का, टिमुरेस्थित अध्यागमन कार्यालयका अध्यागमन अधिकृत यादव भण्डारी,महिना दिन अगाडिमात्र रसुवा भन्सारमा पुगेका नहकुल सुवेदी लगायतका कर्मचारीहरुको मृत्यु भएको छ । यस्तै माइकिङ गर्न पुगेका उत्तरगया गाउँपालिकाका आइटी इञ्जिनियर जनक आचार्य मृत्यु भइसकेको पृष्टि भएको छ ।

बिज्ञापन

देशका ६२ जिल्लाबाट जम्मा ३,९१६ जना बेपत्ता भएको विवरण प्राप्त भएको छ। बेपत्ता हुनेमध्ये ६२ प्रतिशत स्वदेशी पर्यटक तथा नेपालीसहितको समूह, १७ प्रतिशत सरकारी निकायका कर्मचारी र १५ प्रतिशत विदेशी नागरिक रहेका छन्।