पछिल्लो समय सार्वजनिक खर्च कटौतीको बहस चलिरहँदा मन्त्रालयहरूले दरबन्दी थप्ने क्रम जारी छ । गत कार्तिकमा मात्र परराष्ट्र मन्त्रालय र उसका निकायमा १०७ जना कर्मचारीको स्थायी दरबन्दी गरिएको थियो ।
बिज्ञापन
सो को ६ महिना पछि अर्थमा समेत १२० दरबन्दी थप गर्ने निर्णय भएको छ । अस्ति बसेको क्याविनेटले अर्थ मन्त्रालय र अन्तर्गतका निकायहरूको संगठन संरचना र दरबन्दी तेरिज स्वीकृत गर्ने निर्णय गरेको हो। उक्त निर्णयसँगै अर्थ मन्त्रालय र अन्तर्गतका निकायहरूमा १ सहसचिवसहित १२० कर्मचारीको दरबन्दी थप गरिएको हो ।
अर्थ मन्त्रालयका अनुसार,उपसचिवको दरबन्दी ३७ जनाको थपिएको छ । यस्तै शाखा अधिकृतको ४७ दरबन्दी थपिएको छ ।
बिज्ञापन
माथिल्ला तहमा दरबन्दी थप्दा तल्ला तहका दरबन्दी भने व्यापक कटौतीमा परेको छ । हाल अर्थ मातहत २१५२ वटा रहेको सहायकस्तरको दरबन्दी १रहेकोमा ७४ वटा कटौती गरिएको छ ।
कटौतीमा परेका दरबन्दीमा क्रमश राजस्व प्रशासनतर्फ सुब्बाको दरबन्दीमा ४३ वटा काटिएको छ भने कम्प्युटर अपरेटरको ६७ वटा कटौती गरिएको छ । यस्तै भन्सार संकेत निरीक्षक,राजस्व समूहको खरिदार २ देखि हलुका सवारी चालक २ र कार्यालय सहयोगीको दरबन्दीमा ६० वटा कटौतीमा परेका छन् ।
बिज्ञापन
यस अघि गत कार्तिकमा मात्र परराष्ट्र मन्त्रालयमा एक जना राजदूत, ११ सहसचिव, ३३ जना उपसचिव, ५ जना कम्प्युटर इन्जिनियर, ६२ जना शाखा अधिकृत, ४ जना नायव सुब्बा र १० जना सवारी चालकको दरबन्दी थपिएको थियो । यसरी दरबन्दी थपिँदा राज्यलाई बार्षिक १ अर्ब व्ययभार थपिएको थियो । अहिले परराष्ट्र मन्त्रालयले अर्थकै सिको गरेर व्यापक रुपमा दरबन्दी थप गरेको हो ।
