अख्तियार दुरुपयोग अनुसन्धान आयोगले नेपाल धितोपत्र वोर्डमा छापा हानेको छ । हिजोमात्र उर्जा व्यवसायीहरुले आइपिओ निस्कासन स्वीकृतिका लागि कमिसन माग गरेको भन्दै अख्तियारमा उजुरी दिएका थिए,प्रमाणसहित ।
बिज्ञापन
सोही उजुरीका आधारमा अख्तियारले आईपीओ निष्कासन पाइपलाइनमा रहेका ८९ कम्पनीका कागजपत्र नियन्त्रणमा लिइएको छ । आइपीओ निस्कासनका लागि पाइपलाइनमा छन्,८९ कम्पनी तिमध्ये ४३ जलविद्युत् कम्पनीको आईपीओ स्वीकृति क्रममा रहेका छन् । एक जलविद्युत कम्पनीको हालैमात्र आइपीओ जारी भइसकेको छ बाँकी ४२ कम्पनीसँग बोर्ड अध्यक्ष सन्तोषनारायण श्रेष्ठले पठाएका भनिएका व्यक्तिहरूले रकम माग गरेको प्रमाणसहित अख्तियारमा उजुरी परेको थियो ।
बिज्ञापन
आईपीओ स्वीकृतिका लागि कमिसन मागिएको विषय संसद,मिडिया हुँदै अख्तियारसम्म उजुरी परेपछि अख्तियारले त्यहाँ छापा मारेर आईपीओ निष्कासन सम्बन्धी फाइलहरू नियन्त्रणमा लिएको छ ।
अख्तियारको उपसचिवको नेतृत्वको ३ सदस्यीय टोली दिउँसो खुमलटारस्थित वोर्डको कार्यालयमा पुगेको थियो ।
बिज्ञापन
अख्तियारको टोलीले वोर्डमा चार घण्टा समय बिताएको जनाइएको छ । अख्तियारबाट गएको टोलीले वोर्ड अध्यक्ष सन्तोष नारायण श्रेष्ठ, बोर्डका नियमन विभागका प्रमुख रहेका कार्यकारी निर्देशक मुक्तिनाथ श्रेष्ठ लगायतका जिम्मेवार कर्मचारीसँग ४ घण्टा समय विभिन्न बिषयमा प्रश्नहरु गरेको थियो । सो पछि पाइप लाइनमा रहेका ८९ कम्पनीको महत्वपूर्ण कागजातहरु नियन्त्रणमा लिएर साँझ अख्तियारको टोली खुमलटारबाट टंगालतिर हिडेको जनाइएको छ ।
विचौलिया परिचालन गरेर अध्यक्षले मागे सात प्रतिशत कमिसन,प्रमाणसहित अख्तियार पुग्यो उजुरी
