चालु आर्थिक वर्ष २०८०/ ८१ को स्टार्टअप कर्जाका लागि ६ सय ६१ वटा परियोजना छनोट भएका छन् । औद्योगिक व्यवसाय विकास प्रतिष्ठानले आज सूचना जारी गर्दै ६६१ उद्यमीलाई स्टार्टअप कर्जाका लागि सिफारिस गरेको छ । अनलाइन र भौतिक रूपमा उपस्थित भई ५ हजार १५८ उद्यमीले कर्जाका लागि दर्ता गरेका थिए ।
ती प्रस्ताव मध्येबाट १ हजार ३१४ उद्यमी परियोजनाको प्रस्तुतीकरण गरेकामा ६६१ वटा छनोट भएका हुन् । उनीहरूले ५ लाखदेखि २५ लाख रुपैयाँ सम्म कर्जा पाउने छन् । ३ प्रतिशत व्याजदरमा यस्तो कर्जा पाउन लागेका हुन ।
बिज्ञापन
बैंकले कर्जा प्रवाह गर्दा बढीमा ५ लाखसम्मको कर्जाका हकमा एक किस्ता, १५ लाखसम्मको कर्जा दुई किस्ता र त्यसभन्दा माथिको कर्जा तीन किस्तामा प्रवाह गर्ने कार्यविधिमा उल्लेख छ ।
बिज्ञापन
स्टार्टअप उद्यम कार्यक्रम कार्यान्वयन औद्योगिक व्यवसाय विकास प्रतिष्ठानले गर्ने र स्टार्टअप कर्जा कोष सञ्चालन सरकारी स्वामित्वको वाणिज्य बैंकबाट हुने गरी कार्यविधिमा उल्लेख छ ।
यस्ता कर्जाका लागि छनौंट भएका उद्योगले परियोजनाहरुले तोकेका बैंकहरुबाट कर्जा पाउनेछन् । कुन उद्योगले कुन बैंकबाट कर्जा पाउने भन्ने सूचना बुधबारसम्ममा प्रकाशन हुने परियोजनाले जनाएको छ । ४५ दिनभित्र त्यस्तो कर्जा नलिए रद्ध हुने जनाइएको छ ।
बिज्ञापन
