परराष्ट्र मन्त्रालयका सहसचिवहरुको पदस्थापन तथा सरुवा प्रक्रिया शुरु भएको छ । मन्त्रालयले सरुवाको लागि संघीय मामिला तथा सामान्य प्रशासनलाई पठाएको प्रस्तावमा केही लाई सात समुन्द्रपारी र केहीलाई विदेशबाट तानेर मन्त्रालयको आन्तरिक प्रशासन जिम्मा दिन लागिएको उल्लेख छ ।
बिज्ञापन
प्राप्त विवरणअनुसार जेनेभामा कार्यरत सहसचिव पारस पण्डितलाई साउदी अरेबियाको जेद्दा नियोगमा महावाणिज्यदूत,सार्क सचिवालयमा तैनाथ हरि ओडारीलाई अबुधाबीको डिसिएम,ज्ञानबहादुर मगरलाई न्युयोर्क, दधी भण्डारी र लक्षुमण खनाललाई अमेरिकामा सरुवा प्रस्ताव गरिएको छ । भण्डारीलाई वासिङ्टनस्थित दूतावास र खनाललाई नयाँ कन्सुलेट अफिसमा कन्सुलेट जनरल तोकिएको छ ।
बिज्ञापन
यता नयाँ दिल्लीस्थित दूतावासबाट द्रुपदा सापकोटालाई कन्सुलर विभागको महानिर्देशक र सुरेश अधिकारीलाई अमेरिका सरुवा गर्न लागिएको छ । बेइजिङबाट बोलाइएका सुरेन्द्र यादवलाई परराष्ट्रको आन्तरिक प्रशासन सम्हाल्ने जिम्मा छ ।
