एक पुरुषले २६ वर्षको आफ्नो करियरमा जम्मा एक दिन मात्रै छुट्टी लिएका छन् । पत्याउनु भएन ? यो कुरा सत्य हो । तेजपाल सिंह नाम गरेका ती पुरुषको नाम इन्डिया बुक अफ रेकर्ड्समा समेत लेखिएको छ ।
बिज्ञापन
होली होस्, दिवाली होस् वा आइतबार, उनी सधैं अफिसमा उपस्थित हुन्थ्ये। विश्वमा हप्तामा ३ दिन बिदा दिने चर्चा भइरहेका बेला यूपीको बिजनौरमा बस्ने तेजपाल सिंहले आफ्नो २६ वर्षको सेवा अवधिमा एक दिन मात्रै बिदा लिएका छन् । उनी आइतबार पनि अफिस आउँछन् । सुन्दा अलि अनौठो लाग्न सक्छ तर यो सत्य हो । तेजपाल सिंहको यो रेकर्ड ‘इन्डिया बुक अफ रेकर्ड्स’ मा दर्ता भएको छ ।
बिज्ञापन
उनी सन् १९५५ देखि उक्त कम्पनीमा कार्यरत छन् । नियमित साप्ताहिक बिदा बाहेक उनले वर्षभरिमा ४५ दिनको छुट्टी पाउँछन् । तर कम्पनीमा आबद्ध भएदेखि सन् २०२१ को बिचमा उनले एक दिन मात्रै बिदा लिएका छन् । यो बिदा पनि उनले आफ्नो सानो भाइको बिहेका लागि भनेर सन् २००३ को जुन १८ मा लिएका थिए । यसो गरेर उनले आफ्नो नाममा रेकर्ड नै राखेका छन् ।
