अछाम । प्रहरीले आफ्नै छोरीमाथि बलात्कार गरेको आरोपमा बुवालाई पक्राउ गरेको छ ।
बिज्ञापन
अछामको मङ्गलसेन नगरपालिकाका अन्दाजी ३५ वर्षीय पुरुषले छोरीलाई बलात्कार गरेको भन्दै उजुरी परेपछि उनलाई प्रहरीले पक्राउ गरेको हो।जिल्ला प्रहरी कार्यालयका प्रमुख डिएसपी सन्तोष पाठककाअनुसार शनिबार साँझ ४ बजेको समयमा मादक पदार्थ सेवन गरेर लठ्ठ भएका बाबुले छोरीलाई एक्लै भएको मौकामा बलात्कार गरेको जाहेरीमा उल्लेख छ ।बालिकालाई लिएर आमाले प्रहरीमा जाहेरी दिएकी छन् ।
बिज्ञापन
आरोपित बुवालाई शनिबार नै पक्राउ गरेर अनुसन्धान गरिरहेको डिएसपी पाठकले बताए ।’आमाले घटना थाहा पाएपछि प्रहरीले जानकारी पाएको हो ।शनिबार साँझै बाबुलाई नियन्त्रणमा लिइएको छ । र म्याद थप गरी थप अनुसन्धान भइरहेको छ,’ उनले भने ।
बलात्कृत नाबालिकको शनिबार नै स्वास्थ्य परीक्षण भइसकेको छ । प्रारम्भिक अनुसन्धान अनुसार उनीमाथि बलात्कार भएको देखिएको छ । आमाछोरीलाई सेफ हाउसमा राखिएको छ ।
