वीमा प्राधिकरणको रिक्त रहेको अध्यक्षमा अर्थ मन्त्रालय सहसचिव मदन कुमार दाहाललाई जिम्मेवारी दिएको छ ।
बिज्ञापन
गत सोमबारमात्र बीमा प्राधिकरण अध्यक्ष सूर्यप्रसाद सिलवालविरुद्ध अख्तियारले नागरिकता प्रकरणमा भ्रष्टाचार मुद्धा चलाएसँगै उनी स्वत निलम्बनमा परेका थिए । दुई महिना पछि अनिवार्य अवकाशमा जान लागेका सिलवाललाई भ्रष्टाचार मुद्धा चलेर निलम्बनमा गएसँगै उक्त स्थानमा सह सचिव दाहाललाई जिम्मेवारी दिएर खटाइएको हो । दाहालले अर्को व्यवस्था नभएसम्मका लागि बीमा प्राधिकरणको अध्यक्षका रूपमा काम गर्नेछन् ।
बिज्ञापन
अर्थ मन्त्रालयका कर्मचारी प्रशासन हेर्दै आएका दाहाल यस अघि सोही प्राधिकरणको सञ्चालक समितिको सदस्यको जिम्मेवारीमा रहेका थिए । अर्थ मन्त्रालयले बीमा ऐन २०७९ को दफा (६) बमोजिम सञ्चालक समितिको दोस्रो वरीयतामा रहेका सहसचिव दाहाल बीमा प्राधिकरण अध्यक्षका रूपमा कामकाज गर्ने गरी तोकिएका हुन् ।
बिज्ञापन
