संघीय मामिला तथा सामान्य प्रशासन मन्त्रालयले वैदेशिक अध्ययनमा जान चाहने इच्छुक कर्मचारीहरुसँग निवेदन माग गरेको छ । कोरिया सरकार (कोइका)द्धारा नेपाल सरकारका निजामती कर्मचारीलाई उपलव्ध हुने छात्रवृत्ति कार्यक्रममा जान चाहने इच्छुक र योग्य उमेद्धारहरुसँग मन्त्रालयले आवेदन माग गरेको हो ।
बिज्ञापन
विभिन्न १० वटा कार्यक्रमका लागि मन्त्रालयले इच्छुक र योग्यता पुगेका कर्मचारीहरुबाट आवेदन आह्वान गरेको छ । जसमा १७ महिने मास्टर डिग्री कार्यक्रमका लागि ५ वटा र ३६ महिने डक्टरल डिग्री कार्यक्रमका लागि ५ वटा विभिन्न बिषयमा छात्रवृत्तिमा अध्ययन गर्न जान इच्छुक कर्मचारीहरुसँग आवेदन माग गरिएको छ ।सामान्य प्रशासन मन्त्रालयका अनुसार कोइकाबाट उपलव्ध हुने कार्यक्रमका लागि ३६ जना कर्मचारीहरु मनोनयन गरी पठाइने भएको छ ।
बिज्ञापन
इच्छुक र योग्य उमेद्धारले नाम थर,पद,हाल नियुक्ति र शुरु नियुक्ति,हाल कार्यरत निकाय,सेवा वा समूह,संकेत नम्बर,समायोजन भएको तह,अध्ययन गर्न चाहेको बिषयसहित कार्यरत कार्यालयको सिफारिस र अद्यावद्यिक वैयक्तिक विवरणसहित आगामी २९ फागुनभित्रै निवेदन पेश गर्न भनिएको छ ।
सूचना हेर्न यहाँ क्लिक गर्नुहोला
