जिल्ला प्रशासन कार्यालय झापाले विभिन्न सात प्रकारका सेवा ‘फेसलेस’ प्रणालीबाट उपलब्ध गराउन प्रारम्भ गरेको छ । जहाँ र जुन निकायमा बस्छन्,त्यही सुधारका यत्न गर्ने कुशल प्रशासक हुन,श्रवणकुमार पोखरेल । यस अघि निजामती किताबखानामा १७ महिना नेतृत्व गर्दा किताबखानालाई पूर्ण प्रविधिमैत्री बनाउन सफल भएका थिए । त्यस अघि बाँके,इलामको प्रमुख जिल्ला अधिकारी हुँदा उनले सेवाग्राहीका गुनासा तत्काल सम्बोधन गर्नुका अलवा सुशासन कायम गर्ने जस्ता कार्य गरेर चर्चा कमाएका थिए। उनै पोखरेलको अग्रसरतामा जिल्ला प्रशासन कार्यालय झापाले प्रशासन कार्यालयबाट उपलव्ध विभिन्न सात प्रकारका सेवाका लागि कार्यालय धाइरहन पर्ने झण्झटिलो व्यवस्था अन्त्य गरेको छ ।

बिज्ञापन

झापा जिप्रकाले धार्मिक तथा सांस्कृतिक कार्यक्रम, राजनीतिक तथा सामाजिक कार्यक्रम, जातीय प्रमाणित सिफारिस, नागरिकताको अभिलेख विद्युतीय प्रणालीमा अपलोडसम्बन्धी सेवा भौतिक उपस्थितिबिनै उपलब्ध गराउन थालेको हो ।
पोखरेलका अनुसार,राष्ट्रिय परिचयपत्र र राहदानीको अवस्था तथा प्रहरी सर्जमिन र चालचलनसम्बन्धी सेवा पनि भौतिक उपस्थितिबिनै उपलब्ध गराइने भएको छ । कार्यालयका अनुसार सेवाग्राहीले सम्बन्धित सेवाका लागि तोकिएको अनलाइन पोर्टल, डेडिकेटेड इमेल, ह्वाट्सएप तथा टेलिफोनलगायतका माध्यमबाट सेवा लिन सक्नेछन् । त्यसका लागि कार्यालयले सेवाको एकीकृत व्यवस्थापन गर्न छुट्टै ‘हेल्प डेस्क’ समेत सञ्चालनमा ल्याएको छ ।