बिज्ञापन

बिज्ञापन

आयोजनाको पछिल्लो विवरणअनुसार साँगा–धुलिखेल खण्डको भौतिक प्रगति ७५ प्रतिशत पुगेको छ। निर्माण कार्यले थप गति लिएसँगै बाँकी सडक संरचना, कालोपत्रे तथा अन्य आवश्यक पूर्वाधारको कामसमेत अघि बढाइएको छ।

सूर्यविनायक–धुलिखेल सडक काठमाडौं उपत्यकाबाट पूर्वतर्फ जाने प्रमुख सडकमार्ग भएकाले यसको स्तरोन्नतिलाई यातायात व्यवस्थापन र आवागमन सहज बनाउन महत्वपूर्ण मानिएको छ। सडक चार लेनमा स्तरोन्नति भएपछि काठमाडौं, भक्तपुर र काभ्रेबीचको यातायात आवागमन थप सहज हुने अपेक्षा गरिएको छ।

आयोजनाले बाँकी निर्माण कार्यलाई पनि तीव्रता दिँदै निर्धारित समयभित्र सडक स्तरोन्नतिको काम सम्पन्न गर्ने लक्ष्य लिएको छ। निर्माण कार्यमा तीव्रता आएपछि लामो समयदेखि स्तरोन्नतिको प्रतीक्षामा रहेको साँगा–धुलिखेल सडकखण्डले क्रमशः नयाँ स्वरूप लिन थालेको छ।