बिज्ञापन

बिज्ञापन

परिचरको तीन दिन, जवानदेखि वरिष्ठ हल्दारसम्मको पाँच दिन,असईदेखि,वरिष्ठ सईको सात दिनको, ईस्पेक्टरदेखि एसपीसम्मको दश दिनको, एसएसपीदेखि डीनजीसम्मको १२ दिनको र आइजीको १५ दिनको मासिक पारिश्रमिक राहत कोषमा जम्मा गरिँदा नेपाल प्रहरीतर्फ महानिरीक्षकदेखि कार्यालय सहयोगीसम्मको तलब काटेर ‘प्रधानमन्त्री दैवी प्रकोप उद्धार कोष’ मा सहयोग गर्ने निर्णय भएको छ । आइजीदेखि एसएसपीसम्मका १५, डिएसपी र इन्स्पेक्टरको १२ दिन तलब कटौती गरेर कोषमा जम्मा गरिनेछ । त्यसैगरी, वरिष्ठ सईको आठ, नायव निरीक्षक र सहायक निरीक्षकको ६, हवल्दार र जवानको पाँच, कार्यालय सहयोगीको दुई दिनको तलब कट्टा गरिँदै छ । कूल ७६ हजार ८५५ प्रहरी कर्मचारीको तलब कटाउँदा हुन आउने ४३ करोड ३७ लाख ८१ हजार ७७९ मध्ये ४० करोड कोषमा र तीन करोड ३७ लाख ८१ हजार ७७९ रुपैयाँँ कल्याण कोषमा जम्मा गर्ने निर्णय छ । प्रहरीले दिवंगतका परिवारलाई जनही १० लाख रुपैयाँँ सहयोग गर्ने भएको छ ।

विपद्पछि तीनवटै सुरक्षा संयन्त्र उद्धारका लागि खटिएका छन् । भोकप्यास, थकान बिर्सिएर र ज्यानको बाजी थापेर उद्धारमा अहोरात्र खटिएका सुरक्षाकर्मीलाई नागरिकले त धन्यवाद दिएका छन् नै, सरकारले पनि मिहिनेतको कदर गर्दै छ । फिल्डमा खटिने सुरक्षाकर्मीका निम्ति सरकारले दैनिक खाजा र प्रोत्साहन भत्ताको व्यवस्था गरेको छ ।सेना, सशस्त्र र प्रहरीलाई खाजा खर्चबापत दैनिक एक हजार रुपैयाँँ दिइने भएको छ । त्यसैगरी, तलबको ५० प्रतिशतलाई ३० प्रतिशतले भाग लगाएर प्रोत्साहन भत्ता दिने भनिएको छ । यही प्रयोजनका लागि फिल्डमा खटिएकाको विवरण पठाउन देशभर सर्कुलर भइसकेको छ ।