बिज्ञापन

बिज्ञापन

यस अघि एउटै पालिकामा दुई जना शाखा अधिकृत खटाएको मन्त्रालयले उद्योगमा दरबन्दी भएको उपसचिवको विभागबाट सरुवा गरेको समेत भेटिएको थियो । मन्त्रालयले गत असोज २ गते ३७ जना शाखा अधिकृतहरुको सरुवा गरेको थियो । सोही सरुवा सूचीको १० औं नम्बरमा देखिन्छ रमेश पराजुलीको नाम । उनलाई राष्ट्रिय योजना आयोगको समपुरक विशेष अनुदान शाखामा कार्यरत छन्,उनलाई बरेङ गाउँपालिका,बागलुङमा खटाइएको छ । २०७१ सालमा अपाङ्ग कोटाबाटै निजामती सेवामा शाखा अधिकृतमा पाइला राखेका उनी वैशाखीको साहरामा कार्यालय आउजाउ गर्दै आएका कर्मचारी हुन । गत वैशाख ६ मा दुर्घटनामा परेर उपचाररत रहेका उनलाई सिंहदरबारबाट निकालेर बागलुङ पुर्याइएको हो । उनै पराजुलीमाथि मानवीय संवेदनाको समेत ख्याल नगरी बागलुङको प्रमुख प्रशासकीय अधिकृत बनाएर खटाइएसँगै सामान्य प्रशासनमा पुगेर त्यहाँका अधिकारीहरुलाई आफ्नो दुखेसो र अवस्था पोखेका छन्,पराजुलीले ।

[pdf-embedder url=”https://karmacharipress.com/wp-content/uploads/2026/09/सरुवा-विवरण-2083-6-2-शा.अ.pdf” title=”सरुवा-विवरण-2083-6-2 (शा.अ.)”]

यस बिषयमा पराजुलीसँग जिज्ञासा राख्दा आफू लामो समयदेखि योजना आयोगमा कार्यरत रहेको, पिआइएसमा समेत शारिरिक अवस्थामा खाली राखिएको उल्लेख गरे । जबकी म अपाङ्ग कोटाबाटै निजामती सेवामा प्रवेश गरेको हुँ । यस अघि पनि पटक पटक सरुवा हुँदा आफ्नो समस्या राख्दा सच्चाइएको उल्लेख गर्दै यस पटक सरुवा उल्टनेमा आशावादी रहेको बताउँछन् उनी । भन्छन्,यो घटनाले यान्त्रिक सरुवामा ह्युमन टच पनि चाहिन्छ भन्ने देखाएको छ ।

यो बिषयमा मन्त्रालयका अधिकारिक धारणा लिनका लागि कर्मचारी प्रेसले पटक पटक सरुवा शाखासँग जोडिएका कर्मचारीहरुलाई सम्पर्क प्रयास गर्दा उनीहरुबाट कुनै प्रतिक्रिया प्राप्त हुन सकेको छैन ।