बिज्ञापन

बिज्ञापन

मन्त्रालयको औद्योगिक प्रवद्र्धन महाशाखामा कार्यरत उपसचिव श्रृजना तिवारीलाई उद्योग,वाणिज्य तथा आपूर्ति संरक्षण विभागबाट सरुवा गरिएको बिषयमा सामाजिक सञ्जालबाटै तीतो पोखेकी छिन् । सरुवा सूचीको १६ औं नम्बरमा श्रृजना तिवारीको नाम देख्न पाइन्छ । तिवारीलाई रङ्गेली नगरपालिका,मोरङमा सरुवा गरिएको छ र हालको कार्यालय वाणिज्य,आपूर्ति तथा उपभोक्ता संरक्षण विभाग भनिएको प्रति तीतो पोख्दै लेखेकी छिन्,”रंगेली नगरपालिकाको प्रमुख प्रशासकीय अधिकृतको रूपमा सरूवा भएकोमा मलाई मुरीका मुरी बधाई छ तर म उद्योग वाणिज्य तथा आपूर्ति मन्त्रालयमा कार्यरत रहेकोमा वाणिज्य तथा उपभोक्ता हित संरक्षण विभागबाट सरूवा भएको छ ? लौन हामी कर्मचारी काहा कार्यरत छौ भन्ने पनि थाहा नहुने ? सिपिएलाई के भन्नु खै ? रमाना काहाबाट लिने होला ?”

पछिल्लो समय कर्मचारी सरुवामा सम्बन्धित मन्त्रालय र प्रणाली भन्दा पनि विभिन्न अमूक व्यक्तिले कर्मचारीको सरुवा सूची बनाएर सरुवा गरिँदा त्यस्ता सरुवा विवादित र त्रुटिपूर्ण देखिएको हो । तीन दिन अगाडि विभिन्न मन्त्रालय,कार्यालय र स्थानीय तहमा कार्यरत ५२ जना अधिकृतको सरुवा गरेको थियो । ती सरुवामध्ये दुई अधिकृतलाई एउटै पालिकामा खटाइएको बिषय सार्वजनिक भएको थियो । सरुवाको सूची अनुसार,झापास्थित कमल गाउँपालिकाको प्रमुख प्रशासकीय अधिकृत केशव कुमार ढकाललाई गृह मन्त्रालय अन्तर्गत सरुवा गरेको छ । सरुवा सूचीको चौथो नम्बरमा उनको नाम देखिन्छ । यस्तै सरुवा सूचीको ४५ र ५२ नम्बर हेर्दा दुई जना शाखा अधिकृतलाई एउटै पालिकाको प्रमुख प्रशासकीय अधिकृत बनाएर खटाइएको पाइएको छ । सरुवाको सूचीको ४५ औं नम्बरमा फालेलुङ गाउँपालिकाका प्रमुख प्रशासकीय अधिकृत रहेका सुमन यङयालाई कमल गाउँपालिकामा खटाइएको छ भने सूचीको अन्तिम नम्बरमा रहेको सुनिता रिमाललाई निर्वाचन आयोग काठमाडौंबाट सोही गाउँपालिकामा खटाइएको छ । यसरी दुई जना शाखा अधिकृतलाई एउटै पालिकामा खटाइएको भेटिएसँगै सामान्यबाट कर्मचारी सरुवामा हुने गरि त्रुटी बारे अनेकन टीका टिप्पणी हुन थालेको छ ।
सिंहदरवारमा लामो समय बसेका, काठमाडौं उपत्यकाभित्र बसेका कर्मचारीलाई स्थानीयतह, जिल्ला समन्वय र जिल्लास्थित कार्यालयहरूमा सरुवा गर्ने भनिएको छ । तर पुरानै शैलीमा सेटिङ हुन थालेको गुनासो कर्मचारी वृत्तबाट व्यापक गुनासो सुनिन थालेको छ ।