भूमि व्यवस्था, सहकारी, संघीय मामिला तथा सामान्य प्रशासन मन्त्रालयले २५ गाउँपालिकाको प्रमुख प्रशासकीय अधिकृतहरु हेरफेर गरेको छ । मन्त्रालयले शुक्रवार ३७ जना शाखा अधिकृत तथा प्रमुख प्रशासकीय अधिकृतको सरुवा गर्दा २५ स्थानीय तहका प्रमुख प्रशासकीय अधिकृत हेरफेर भएका हुन ।
सरुवाको सूची अनुसार,तामाकोशी गाउँपालिकामा भन्सार विभागबाट गोबिन्द बहादुर थापा,विष्णुपुर गाउँपालिकामा सम्पत्ति शुद्धीकरण अनुसन्धान विभागबाट मधुकुमार साह,पर्यटनकी गुणा राईलाई हेलम्बु गाउँपालिकाको प्रमुख प्रशासकीय अधिकृत,सहकारी विभागमा कार्यरत तिलकराम पोखरेललाई उत्तरगया गाउँपालिका,रसुवा पठाइएको छ ।
यस्तै,रोशीबा टंकबहादुर नेगीलाई सुनापती गाउँपालिका,रामेछापमा सारिएको छ । उद्योगबाट बेनुकराज कार्की शैलुङ गाउँपालिकामा पुगेका छन् । प्रशासन सेवा, सामान्य प्रशासन समूहअन्तर्गत राजपत्राङ्कित तृतीय श्रेणीका कर्मचारी सरुवा हुँदा योजना आयोगबाट रमेश पराजुली बेरङ्ग गाउँपालिका,हुलाक निर्देशनालय दाङबाट शोभाराम बस्नेत रुन्डीगढी गाउँपालिका पुगेका छन् । यस्तै,भुमि व्यवस्थापन तथा अभिलेख विभागबाट यामबहादुर उपरकोटीलाई जहदा गाउँपालिकामा पठाइएको छ ।
बिज्ञापन
