बिज्ञापन

बिज्ञापन

प्रहरीका अनुसार नितिन आँपटारीस्थित निर्मला विष्टको घरमा बसेर अवैध रूपमा अन्तर्राष्ट्रिय कल बाइपास गर्ने कार्यमा संलग्न रहेको प्रारम्भिक अनुसन्धानबाट खुलेको छ। प्रहरीले उनलाई दूरसञ्चार ऐन, २०५३ को दफा ४७ को उपदफा ५ बमोजिमको कसूरमा अनुसन्धानका लागि नियन्त्रणमा लिएको जनाएको छ।

प्रहरी टोलीले उनको साथबाट २६ थान मोबाइल सेट, २ थान ल्यापटप, ७७ थान एनसेल सिमकार्ड, १८ थान नेपाल टेलिकमका सिमकार्ड, ४ थान सीपीयू, १ थान इन्भर्टर र २ थान ब्याट्री बरामद गरेको छ।

त्यस्तै, प्रहरीले ६ थान २०-पोर्टको यूएसबी, ३३ थान यूएसबी सेल्युलर मोडेम, ३० थान यूएसबी ओटीजी–अडियो केबल, १ थान पाँच-पोर्ट नेटवर्क स्विच, २ थान इन्टरनेट राउटर तथा विभिन्न प्रकारका डाटा केबल समेत बरामद गरेको जनाएको छ।

केन्द्रीय अनुसन्धान ब्यूरोका अनुसार बरामद उपकरण तथा सामग्रीहरू प्रारम्भिक परीक्षणका क्रममा अवैध अन्तर्राष्ट्रिय कल बाइपास (भीओआईपी) मा प्रयोग भइरहेको देखिएको छ। घटनाका सम्बन्धमा जिल्ला प्रहरी कार्यालय चितवनबाट थप अनुसन्धान भइरहेको प्रहरीले जनाएको छ।

सीआईबीका प्रवक्ता एवं सूचना अधिकारी प्रहरी वरिष्ठ उपरीक्षक अनुषेम शमशेर जबराले २०८३ असोज १ गते प्रेस विज्ञप्ति जारी गर्दै पक्राउ तथा बरामद सामग्रीबारे जानकारी दिएका हुन्।