बिज्ञापन

बिज्ञापन

गुभाजुले ४ वर्षअघि सामाजिक सञ्जालबाट चिनजान भएका ती अधिकृतलाई हनिट्रयापमा पारेर रकम असुलेको प्रहरीको अनुसन्धान निष्कर्ष छ । सामाजिक सञ्जालमार्फत चिनजान भएर नजिक भएपछि केही समय दुवै जना कपन र वसुन्धाराको डेरामा सँगै बसेको महिलाको दाबी रहेको छ तर ती सरकारी अधिकृतले आफूसँग गुभाजुले २०८३ जेठमा पटक पटक गरेर २७ लाख नगद असुलेको बताएका छन् । पटकपटक रकम माग्दै नदिए फसाउने धम्की दिएपछि आजित भएर ती कर्मचारी जिल्ला प्रहरी परिसर भद्रकाली, काठमाडौं पुगेका थिए । ती कर्मचारीको जाहेरीपछि प्रहरीले गुभाजुलाई पक्राउ गरी अनुसन्धान गरेको थियो । जिल्ला प्रहरी परिसर काठमाडौँले उनीविरुद्ध आपराधिक लाभ तथा विद्युतीय कारोबार ऐन अन्तर्गतको कसुरमा अनुसन्धान गरेर प्रतिवेदन बुझाएको थियो ।
प्रहरीका अनुसार ती अधिकृतले १५ जेठ २०८३ ती महिलालाई कनेक्ट आईपीएसमार्फत १० लाख, १९ जेठ २०८३ मा राष्ट्रिय वाणिज्य बैंकको २ थान चेकमार्फत ७ लाख ५० हजार र २ लाख ५० हजार गरी अर्को १० लाख दिएको दाबी कर्मचारीको छ । यस बाहेक नगद ७ लाख रुपैयाँ पनि दिएको ती कर्मचारीको भनाइ छ । पटकपटक गरी २७ लाख असुल्दा समेत उनले थप ५० लाख नदिए सबै कुरा सार्वजनिक गरिदिने धम्की दिए पछि ती सरकारी अधिकृत प्रहरीमा पुगेका थिए ।

गुभाजुविरुद्ध मुलुकी अपराध संहिता २०७४ को दफा २५३ को आपराधिक लाभ लिन नहुने कसुर र विद्युतीय कारोबार ऐन २०६३ को दफा ४७ को विद्युतीय स्वरूपमा गैरकानुनी कुरा प्रकाशन गर्न नहुने कसुर गरी दुई वटा कसुरमा प्रतिवेदन बुझाएको थियो । काठमाडौँ जिल्ला अदालतका न्यायाधीश जगतबहादुर पौडेलको आदेश पछि ती महिलालाई केन्द्रीय कारागार सुन्धारा चलान गरिएको छ ।