भूमि व्यवस्था, सहकारी, संघीय मामिला तथा सामान्य प्रशासन मन्त्रालयले २५ जना उपसचिवको सरुवा गरेको छ। यसरी सरुवा भएकामा १३ जनालाई विभिन्न स्थानीय तहमा खटाइएको छ । भदौ २२ गतेको निर्णय अनुसार गरिएको सरुवामा व्यवसायिक तथा सीप तालिम केन्द्रबाट पुष्पराज कटवाललाई वनगाढ कुपिन्डे नगरपालिकाको प्रमुख प्रशासकीय अधिकृतको रुपमा खटाइएको छ ।

बिज्ञापन

यस्तै स्थानीय तहको प्रमुख प्रशासकीय अधिकृतको रुपमा खटाइएका उपसचिवहरुमा सार्वजनिक खरिद कार्यालयबाट इन्द्र गौतमलाई घोडाघोडी नगरपालिका,कैलाली,उद्योग मन्त्रालयबाट भीम प्रसाद भट्टराईलाई विरेन्द्रनगर नगरपालिकामा खटाइएको छ । यस्तै,पूर्वाधार विकास मन्त्रालयबाट प्रकाश आचार्यलाई बेदकोट नगरपालिका,कञ्चनपुरमा खटाइएको छ । महिला मन्त्रालयबाट बसन्त पन्थीलाई लेकबेसी नगरपालिका,सुर्खेतमा खटाइएको छ ।
सूची अनुसार,उद्योगबाट नारायण प्रसाद भण्डारीलाई मुसिकोट नगरपालिका,श्रीधर गौतमलाई गोदावरी नगरपालिका,कैलाली,बन्दना राईलाई गृहबाट शुक्लाफाँट नगरपालिका,शिक्षा मन्त्रालयबाट शंकरराज पाठकलाई बेलकोटगढी नगरपालिका,कृषि मन्त्रालयबाट बाबुराम घिमिरेलाई भिमदत्त नगरपालिका,सिद्धार्थनगर नगरपालिकाबाट जनक थापालाई माडी नगरपालिका,चितवनमा पठाइएको छ । माडीबाट जगत भुसाललाई शुक्लागण्डकी नगरपालिका पुर्याइएको छ । बनगाढ कुपिण्डेबाट गोकर्ण पन्थी मध्यविन्दु नगरपालिका पुगेका छन् ।