बिज्ञापन

बिज्ञापन

उता जिल्ला जनस्वास्थ्यका अनुसार,जिल्लामा कार्यरत १२ जना स्वास्थ्यकर्मी हालसम्म सम्पर्कविहीन रहेका छन् । जसमा स्याफ्रुबेसी स्वास्थ्य चौकीमा कार्यरत खम्बु बोहोरा, गोसाइँकुण्ड गाउँपालिकाकी मनोसामाजिक परामर्शकर्ता कोपिला केसी, दाहालफेदी सामुदायिक स्वास्थ्य एकाइका विजयकुमार घले, टिमुरे स्वास्थ्य चौकीका सुस्मिता पाण्डे, कर्मा हिलिस घले र सरिता मल्ल, रसुवागढी हेल्थ डेस्कमा कार्यरत हेल्थ असिस्टेन्ट गोविन्द यादव र स्टाफ नर्स ललिता देवी कुमाई, उत्तरगया गाउँपालिकाको स्वास्थ्य शाखाका बलराम न्यौपाने र प्रदीप न्यौपाने, उत्तरगयास्थित श्री निलकण्ठ माध्यमिक विद्यालयकी विद्यालय नर्स ममता श्रेष्ठ तथा उत्तरगयाको सामुदायिक स्वास्थ्य इकाइमा कार्यरत दिनिशा शाही पनि सम्पर्कविहीन रहेको विवरणमा उल्लेख छ।

 बाढीका कारण हालसम्म जिल्लामा एक हजार ३१३ जनाको जीवितै उद्धार गरिएको प्रशासनले जनाएको छ । बाढी र पहिरोको चपेटामा परेका एक हजार २२७ नेपाली र ८६ विदेशी पर्यटकको सुरक्षाकर्मी तथा स्थानीयको सक्रियतामा सफल उद्धार गरिएको छ । बाढीका कारण अलपत्र परेका तथा गोसाइँकुण्ड क्षेत्रमा रोकिएका १४५ तीर्थयात्री तथा स्थानीयलाई हेलिकप्टरमार्फत नुवाकोट र काठमाडौँतर्फ सुरक्षित स्थानान्तरण गरिएको छ ।

उत्तरगया–५ का जनक आचार्य, गङ्गादेवी श्रेष्ठ, पुदुली तामाङ, आशवीर तामाङ र आशिष बानियाँ तथा गोसाइँकुण्ड–६ की छिरिङ ग्याल्मो तामाङको शव सनाखत भएको हो । अन्य विभिन्न स्थानमा फेलापरेका १६३ शवमध्ये पाँच जनाको सनाखत भइसकेको र बाँकीको सनाखत प्रक्रिया तथा डिएनए परीक्षणका लागि मुचुल्का उठाउने कार्य भइरहेको जिल्ला प्रशासन कार्यालय रसुवाले जनाएको छ ।