पछिल्लो समय कर्मचारी व्यवस्थापनमा गृह र सामान्य प्रशासन मन्त्रालय चुक्दै गएका छन् । गृहको अतिरिक्त समूहमा अहिले पनि आधा दर्जन सहससचिवहरु रहेका छन् ।
तर विभिन्न चार वटा जिल्ला प्रमुख जिल्ला अधिकारीविहिन छन् । गृह मन्त्रालयले भोजपुरका सिडिओ राजन पौडेललाई पोखरा महानगरपालिकाको प्रमुख प्रशासकीय अधिकृतमा सरूवा गरेसँगै सो जिल्ला सिडियोविहिन हुन पुगेको भए पनि गृहले त्यहाँ प्रमुख जिल्ला अधिकारी खटाउन सकेको छैन । जहाँ उपसचिवको दरबन्दी रहेको छ । यस्तै सहसचिवकै दरबन्दी रहेको सुर्खेत सिडिओकोविहिन छ । सुर्खेतका सिडिओ धर्मराज जोशीको सुदूरपश्चिम प्रदेशमा सरूवा भएपछि सुर्खेत सिडिओविहीन हुन पुगेको छ । उता आजै देखि लागू हुने गरी झापाको प्रमुख जिल्ला अधिकारी शिवराम गेलाल र दोलाखाको प्रमुख जिल्ला अधिकारी हरिप्रसाद घिमिरेले राजीनामा दिएसँगै ती तीन जिल्ला प्रमुख जिल्ला अधिकारीविहिन हुन पुगेको छ ।
बिज्ञापन
तर गृह मन्त्रालयको अतिरिक्त समूहमा निजामती किताबखानाबाट तानिएका श्रवणकुमार पोखरेल, चिरञ्जीवी पौडेल, बासुदेव घिमिरे, भूपेन्द्र थापा र पुष्पराज शाही,बलराम निरौलासहितका ६ जना सहसचिवहरु लामो समयदेखि जिम्मेवारविहिन छन् । यस्का अलवा कालीप्रसाद रिजाललाई सरुवा गरेर महिला आयोगमा पठाइएसँगै गृहको प्रशासन महाशाखा र योजना महाशाखा समेत रिक्त रहेको छ ।
