सात मन्त्रालय,तीन निकायको दरबन्दी दर्ता भएको छ । पछिल्लो तीन दिनमै विभिन्न सात मन्त्रालय र तीन निकायको ६२२ दरबन्दी टुंगिएको हो । राष्ट्रिय कितावखानाको स्पेशिल टास्क टिमद्धारा पछिल्लो तीन दिनमै ६ विशिष्ट , २७ सहसचिव वा सो सरह सहित कुल ६२२ पद दरवन्दी दर्ता भएको हो ।

बिज्ञापन

नेपाल सरकार,मन्त्रिपरिषदको २०८३ असार ३२ को नयाँ संगठन तथा पद दर्ता गर्ने निर्णय कार्यान्वयन गर्ने तर्फ मन्त्रालयहरु विच एक किसिमको प्रतिष्प्रर्धा नै देखिएकोछ । भूमि व्यवस्था, सहकारी ,संघीय मामिला तथा सामान्य प्रशासन मन्त्रालयले गत शुक्रवार अर्थात ८ श्रावणमा पहिलो दर्ताका लागि राष्ट्रिय कितावखानामा प्रकृया अगाडि वढाएकोमा मंगलबारसम्मका सात मन्त्रालय र अन्तर्गतका ३ निकाय समेतको संगठन तथा पद दर्ताका फाइलहरु प्राप्त भएको महानिर्देशक श्रवण कुमार पोखरेलले जनाउनुभएको छ । किताबखानाका अनुसार,यो अवधिमा भूमि व्यवस्था, सहकारी, संघीय मामिला तथा सामान्य प्रशासन मन्त्रालयक १४० दरवन्दी कायम भएको छ । सो मन्त्रालयको ८५ दरबन्दी कटौतीमा परेको छ । यस्तै राष्ट्रिय कितावखाना ३२ दरबन्दी कटौती गर्दै १०६ दरवन्दी दर्ता भएको छ । यता सोही मन्त्रालय मातहतको सहकारी रजिष्ट्रारको कार्यालयको ३७ दरवन्दी कायम भएको छ । हिजैमात्र विज्ञान, प्रविधि तथा नवप्रवर्तन मन्त्रालय ९० दरवन्दी स्वीकृत भएकोमा आज अपरान्हसम्ममा रक्षा मन्त्रालयको ६५ दरवन्दी,सूचना तथा संचार मन्त्रालय – ७० दरवन्दी कायम भएको किताबखानाले जनाएको छ । यस्तै कानून, न्याय तथा संसदीय मामिला मन्त्रालय – ९६ दरवन्दी कायम हुँदा न्याय सेवा तालिम केन्द्र – १८ दरवन्दी कायम भएको जनाइएको छ । शिक्षा तथा खेलकुद मन्त्रालय – पुरक विवरण माग गरिएको जनाइएको छ । किताबखानाका अनुसार
महिला ,वालवालिका, लैंगिक तथा यौनिक अल्पसंख्यक र सामाजिक सुरक्षा मन्त्रालयको दरबन्दी विवरण समेत प्राप्त भइसकेको जनाइएको छ ।