अनैतिक हर्कत गरेको आरोपमा एक अधिकृत पक्राउ परेका छन् । प्रहरीले सार्वजनिक स्थलमा महिलाका अगाडि गोप्य अङ्ग प्रदर्शन गरी अश्लिल हर्कत गरेको आरोपमा रक्षा मन्त्रालयका एक अधिकृतलाई नियन्त्रणमा लिएका हो । बैतडीको पाटन नगरपालिका–७ घर भई हाल ललितपुरको महालक्ष्मी नगरपालिका–२ इमाडोल बस्ने ५५ वर्षीय सुरेन्द्र भट्टले ललितपुरको इमाडोलमा यस्तो अश्लिल हर्कत गरेको भिडियो सामाग्री सामाजिक सञ्जालमा छरपष्ट भएको थियो । पीडित महिलाले उक्त व्यक्तिको भिडियो सामाजिक संजालमार्फत सार्वजनिक गरेपछि प्रहरीले पक्राउ गरेको हो ।
बिज्ञापन
प्रारम्भिक अनुसन्धानको क्रममा निज भट्ट सिंहदरवारस्थित रक्षा मन्त्रालयमा शिक्षा अधिकृतको रुपमा कार्यरत रहेको खुलेसँगै प्रहरीले सिंहदरबारस्थित रक्षा मन्त्रालयमा कार्यरत शिक्षा अधिकृतलाई नियन्त्रणमा लिएको हो। उनलाई ललितपुर जिल्ला प्रहरी परिसर मातहतको प्रहरी वृत्त सातदोबाटोको टोलीले उनलाई नियन्त्रणमा लिएको हो। भट्टमाथि मुलुकी अपराध संहिता बमोजिम कानूनी प्रक्रिया अघि बढाएर थप अनुसन्धान भइरहेको प्रहरीले जनाएको छ।
