सरकारले अख्तियार दुरुपयोग अनुसन्धान आयोगको केन्द्रीय कार्यालय टंगालस्थित प्रहरी इकाईको पुरै सेट’ परिवर्तन गरेको हो । त्यहाँका प्रहरी नायब महानिरीक्षक (डीआईजी) शेखर खनालसहित अधिकांश उच्च अधिकारीहरूको सरुवामा परेका हुन । खनाल प्रहरी प्रधान कार्यालय, नक्सालको कार्य विभागमा सरुवा गरेर त्यहाँ कार्य विभागका डीआईजी अरुण पौडेल पठाइएका छन् । शुक्रबार गृहमन्त्री सुधन गुरुङको निर्णयबाट यो सरुवा भएको हो । यस्का अलवा डीआईजीको नेतृत्व परिवर्तनसँगै एसपी, डीएसपी र इन्स्पेक्टरसहित एक दर्जनभन्दा बढी प्रहरी अधिकारीलाई आयोगबाट फिर्ता बोलाउँदै नयाँ टोली खटाइएको छ । अख्तियारमा कार्यरत रहेका का एसपी मोहन थापालाई फिर्ता बोलाएर यूएन शाखामा कार्यरत एसपी सुधिरराज शाहीलाई खटाइएको छ । यस्का अलवा डीएसपीहरूमा उमेश लम्साल, मदनजित महरा, गौतम थापा, दीपककुमार कार्की र भीम खड्का, ज्ञानमञ्जरी शर्मा, हिमबहादुर केसी, किशोर केसी, सुजन पाठक, रामजी देवकोटा, फुलमाया घिसिङ, साकारराज पन्त, श्यामसुन्दर पाठक र उमेश श्रेष्ठलगायत इन्पेक्टरहरु पनि आयोगबाट फिर्ता गरिएको छ । गृह मन्त्रालयले अख्तियारमा कार्यरत प्रमुखसहित अधिकृत स्तरका सबै प्रहरी कर्मचारीको एकैपटक सरुवा गरी नयाँलाई पठाइएको हो ।

बिज्ञापन

अख्तियारमा प्रहरी नायब महानिरीक्षक (डिआईजी)ं को नेतृत्वमा प्रहरी युनिट कार्यरत छ । हाल अख्तियारको डिआईजीमा शेखर खनाल छन् । अख्तियारमा एसएसपी, एसपी, डिएसपी र प्रहरी निरीक्षक गरी करिब २० भन्दा बढी अधिकृतको दरबन्दी छ ।