सरकारले सशस्त्र प्रहरी बल, नेपालको १३ औं आईजीपीमा नारायणदत्त पौडेललाई बढुवा गर्ने निर्णय गरेको छ ।भर्खरै बसेको क्याबिनेट बैठकले पौडेललाई वैशाख १८ गतेदेखि लागु हुनेगरी महानिरीक्षकमा नियुक्त गर्ने निर्णय गरेको छ ।
बिज्ञापन
हालका आईजीपी राजु अर्याल आईजीपीको चार वर्षे कार्यकाल पूरा गरी यही १८ वैशाखमा अवकाश जाँदैछन् । पौडेल आईजीपी बढुवाको पहिलो दाबेदार थिए । उनी १८ चैत २०५४ सालमा नेपाल प्रहरीको इन्स्पेक्टरमा सेवा प्रवेश गरेका थिए ।
बिज्ञापन
उनीसँगै आईजीपीको बढुवाका लागि सीमा विभागमा कार्यरत एआईजी वंशी दाहाल र कार्य विभागमा कार्यरत एआईजी गणेश ठाडा मगर पनि प्रतिस्पर्धामा थिए । सरकारले सिनियर एआईजी पौडेललाई आइजीपीमा बढुवा गर्ने निर्णय गरेको हो । पौडेल ६ जेठ २०७९ मा एआईजीमा बढुवा भएका थिए । पौडेलले १८ चैत २०८४ सम्म संगठन प्रमुखको जिम्मेवारी निर्वाह गर्ने छन् ।
नवनियुक्त आईजी पौडेल र अवकाश हुने अर्याल नेपाल प्रहरीको निरीक्षक (इन्स्पेक्टर) दर्जाका व्याची हुन । उनीहरु नेपाल प्रहरीको १११ औँ टोलीका अधिकृत हुन् । उक्त टोलीको भर्ना मिति २०५४ फागुन १८ हो । नेपाल प्रहरीका आईजी दानबहादुर कार्की पनि सोही टोलीका अधिकृत हुन् । अर्याल, पौडेलसहितका अधिकृत २०५८ सालमा सशस्त्र प्रहरी बल स्थापना हुँदा उक्त संगठनमा समायोजित भएका थिए । सुर्खेत सदरमुकाम वीरेन्द्रनगर नगरपालिका–१३, करेखोलाका जन्मिएका पौडेलले त्रिभुवन विश्वविद्यालयबाट जनप्रशासन विषयमा स्नातकोत्तर (एमपीए) गरेका छन् ।
बिज्ञापन
