सशस्त्र प्रहरी देश र जनताको सुरक्षामा प्रतिबद्ध भएको सशस्त्र प्रहरीका आईजीपी राजु अर्यालले बताएका छन् ।
बिज्ञापन
आज सुनसरीको पकलीस्थित नम्बर–१ बराह बाहिनि मुख्यालयको २४ औं स्थापना दिवसलाई सम्बोधन गर्दै उनले जस्तोसुकै परिस्थितिमा पनि सशस्त्र प्रहरी देश र जनताको सुरक्षामा प्रतिबद्ध भएको बताएका हुन् ।
बिज्ञापन
अर्यालले नेपाल–भारत सीमा क्षेत्रमा हुने चोरी तस्करी नियन्त्रण गर्न र प्रतिबन्धित लागूऔषध कारोबार निमिट्यान्न बनाउन पनि कोशी प्रदेशका सशस्त्र प्रहरीलाई निर्देशन दिए । आईजीपी अर्यालले जनताको सुरक्षामा खटिने सशस्त्र प्रहरीलाई आर्थिक लेनदेनका क्रियाकलापमा नलाग्न पनि सचेत गराएका छन् । उनले राजस्व छलि गर्नेहरूलाई पक्राउ गर्नुका साथै अवैध समान बरामद गरी सरकारी आम्दानी बढाउनेतर्फ ध्यान दिन निर्देशन दिए ।
सशस्त्र प्रहरी देशको बिषम परिस्थितिमा जन्मिएको स्मरण गर्दै आईजीपी अर्यालले देश र जनताको रक्षा गर्न र शान्ति सुरक्षा प्रदान गर्न कसैसँग सम्झौता नगर्ने बताए । उनले देश र जनताको सुरक्षामा सतिसालझैं खडा हुन पनि सशस्त्र प्रहरीहरूलाई निर्देशन दिए ।
बिज्ञापन
