नेपाल एसबिआई बैंकले आफ्ना महिला कर्मचारीलाई नेतृत्व सीप विकाससम्बन्धी तालिम दिएको छ । उपत्यकास्थित बैंकका सम्पूर्ण शाखामा कार्यरत महिला कर्मचारीलाई उक्त तालिम प्रदान गरिएको जनाइएको छ ।
बिज्ञापन
महिला कर्मचारीहरुको नेतृत्व सीपलाई उजागर गर्दै उत्साह र एकताका साथ तालिम प्रदान गरेर अन्तर्राष्ट्रिय नारी दिवस मनाएको बैंकले जनाएको छ । बैंकका अनुसार विश्वव्यापी रुपमा प्रख्यात भारतीय अमेरिकी नेतृत्व विशेषज्ञ, कार्यकारी प्रशिक्षक एवम् लेखिका पायल नानजियानीले नेतृत्व सीपसम्बन्धी प्रशिक्षण दिएकी हुन् ।
बिज्ञापन
कार्यक्रममा बैंकिङ्ग क्षेत्रमा महिलाको उपलब्धि, योगदान, महिला सशक्तिकरण र समावेशीताबारे चर्चा भएको बैंकको भनाई छ । विगत ३१ वर्षदेखि बैकिङ्ग सेवा प्रदान गर्दै आइरहेको एसबिआई बैंकले हाल देशभर आफ्ना एक सय शाखा, २२ एक्सटेन्सन काउण्टर, सात प्रादेशिक कार्यालय, १९ शाखारहित बैंकिङ्ग, एक सय २५ एटीएक र एक कर्पोरेट कार्यालयमार्फत सेवा प्रवाह गरिरहेको जनाएको छ ।
