जापानी कार निर्माता कम्पनी निसानका ९ हजार कर्मचारीले एकै पटक जागिर गुमाउने भएका छन् । उक्त कम्पनीले ९ हजार कर्मचारी कटौती गर्ने घोषणा गरेको हो । नाफामा गिरावट आएको जनाउँदै कम्पनीले ९ हजार कर्मचारीलाई निकाल्ने बताएको छ। कम्पनीले पहिलो अर्धवार्षिकमा शुद्ध नाफामा ९३ प्रतिशतले गिरावट आएको जनाएको छ ।
विश्वव्यापी रूपमा कम्पनीको उत्पादन करिब पाँच प्रतिशतले घटेको छ। निसानका प्रमुख कार्यकारी अधिकृत माकोतो उचिडाले भनेका छन्, यी परिवर्तनले कम्पनीले आफूलाई खुम्च्याउँदै भन्ने कदापि होइन। निसानले आफ्नो व्यवसाय बढाउन र यसलाई थप लचिलो बनाउन पुनर्गठन पनि सुरु गर्नेछ।

बिज्ञापन

कम्पनीद्धारा जारी विज्ञप्तिमा भनिएको छ, “निसानले विश्वव्यापी उत्पादन क्षमतामा २० प्रतिशतले कटौती गर्नेछ र विश्वव्यापी कर्मचारीहरु ९ हजारले घटाउनेछ ।” उचिदाले ‘नोभेम्बर २०२४ देखि आफ्नो मासिक पारिश्रमिकको ५० प्रतिशत स्वेच्छाले त्याग्ने र अन्य कार्यकारी समितिका सदस्यहरूले पनि त्यसअनुरूप तलब कटौती गर्ने’ । कम्पनीले यसअघि एक सय ४० खर्ब येन अनुमान गरिएको तुलनामा अब एक सय २७ खर्ब येन (८० अर्ब डलर) को शुद्ध बिक्री अपेक्षा गरेको छ । तर निसानले बिहीबार शुद्ध नाफाको पूर्वानुमान जारी गरेन ।