खाद्य व्यवस्था तथा व्यापार कम्पनी लिमिटेडले दशैंलक्षित खसीबोका तथा च्याङ्ग्रा बिक्री शुरु गरेको छ । जस अनुसार जिँउदो खसी र बोकामा दाम समान रहेको जनाइएको छ । कम्पनीका अनुसार जिँउदो खसी र बोकाको मूल्य प्रतिकेजी ६६० तोकिएको छ भने मुस्ताङ्गको च्याङ्ग्रा प्रतिकेजी एक हजार २२० रुपैयाँ तोकिएको छ ।

कम्पनीले यो वर्ष एक हजार ५०० खसीबोका र ३०० च्याङ्ग्रा ल्याउँदैछ । हालसम्म २०८ च्याङ्ग्रा र ३०० खसीबोका काठमाडौं ल्याइसकिएको छ । बाँकी खसीबोका र च्याङ्ग्रा भोलि ल्याइसक्ने सुवेदीको भनाइ छ । गत वर्ष झण्डै एक हजार ७०० खसीबोका र साढे पाँच सय च्याङ्ग्रा ल्याएको खाद्यले यसवर्ष संख्या घटाएको हो ।