कृषि विकास बैंकको सञ्चालक समिति सदस्यमा अर्थ मन्त्रालयका सह–सचिव दीर्घराज मैनाली नियुक्त भएका छन् । उपप्रधान तथा अर्थमन्त्री विष्णुप्रसाद पौडेलले भदौ २० गते मैनालीलाई बैंकको सञ्चालक समिति सदस्यमा नियुक्त गरेका हुन् ।
अर्थ मन्त्रालयमा २५ सहसचिव छन् । १० सहसचिव अहिले मन्त्रालयमा छन् तर त्यहाँ ९ वटा मात्र महाशाखा छ । ठूला कार्यालयमा बस्न नपाए छटपटीमा पर्ने हाकिमका रुपमा चिनिन्छन्,सहसचिव दीर्घराज मैनाली अर्थ मन्त्रालयमै आइपुगेका छन् । अधिकांश समय ठूला कार्यालयको नेतृत्व गरेका मैनाली राजश्व अनुसन्धान विभागमा सबैभन्दा लामो समय ३३ महिना टिक्ने हाकिम हुन । यस्तै आन्तरिक राजश्व विभागमा पनि लामो समय टिकेका उनी अहिले अर्थ मन्त्रालयमा जिम्मेवारविहिन बने । उनै सहसचिवका लागि हालैमात्र अर्थ मन्त्रालयको एउटै महाशाखा दुई टुक्रा पार्ने प्रक्रिया अगाडि बढिरहेको छ ।

अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा प्रमुख नारायण प्रसाद रिसालको अधिकार कटौती गर्दै अर्को सहसचिव दीर्घ मैनालीलाई दिने तयारी पनि अगाडि बढेको छ ।