अर्थमन्त्री विष्णु पौडेलले आइतबार बिहान दुई सहसचिवको जिम्मेवारी हेरफेर गरे । उनले बिहानमात्र सहसचिव श्रीकृष्ण नेपाललाई बजेट महाशाखाको जिम्मेवारी दिएका छन् । अर्थकै अन्तर्राष्ट्रिय आर्थिक सहायता समन्वय महाशाखा प्रमुखको भूमिकामा रहेका नेपाललाई बजेटमा सारेर राजस्व व्यवस्थापन महााशाखाको प्रमुख रहेका धनिराम शर्मालाई भने अन्तर्राष्ट्रिय आर्थिक सहायता समन्वय महाशाखामा पठाए ।
यस्तै दिँउसो भने एक कार्यक्रममा बीच तीन सचिवसँग कार्यसम्पादन सम्झौता गरेका छन् । हालैमात्र अर्थमन्त्री विष्णुप्रसाद पौडेलले अर्थ मन्त्रालयमा दुई घिमिरे बन्धुलाई सचिवका रुपमा भित्र्याएका छन् । अर्थ सचिवमा डा रामप्रसाद घिमिरे र राजस्व सचिवको जिम्मेवारी दिनेश घिमिरेले सम्हालिरहेका छन् । यस्तै महालेखा नियन्त्रकका रुपमा विनोद सिंह कार्यरत छन् । अर्थमन्त्री विष्णु पौडेलले एक कार्यक्रमका बीच तीन सचिवसँग कार्यसम्पादन सम्झौता गरेका हुन ।
बिज्ञापन
अर्थ मन्त्रालयमा आयोजित कार्यक्रममा अर्थमन्त्री पौडेल र अर्थ सचिव डा. रामप्रसाद घिमिरे, राजस्व सचिव दिनेशकुमार घिमिरे र महालेखा नियन्त्रक विनोदप्रकाश सिंहबीच छुट्टाछुट्टै कार्य सम्पादन करार सम्झौता भएको हो ।कार्य सम्पादन सम्झौतामा चालु आर्थिक वर्ष गरिने कार्यक्रम, लक्ष्य र समयसीमा उल्लेख गरिएको छ ।
बिज्ञापन
अर्थमन्त्री पौडेलले कार्य सम्पादन सम्झौता मूल्यांकनको महत्त्वपूर्ण आधार हुने उल्लेख गर्दै सिङ्गो टिम परिचालन गरेर सचिवहरू र महालेखा नियन्त्रक सम्झौतामा उल्लेखित कार्यक्रम कार्यान्वयनमा खरोा उत्रिने विश्वास व्यक्त गरेका छन् ।
बिज्ञापन
