नेपालीको टाउकोमा जन्मनेवित्तिकै ८० हजार ऋृणको भार पर्ने भएको छ । नेपालको सार्वजनिक ऋृण बढेर २४ खर्ब ३३ अर्ब रुपैयाँभन्दा माथि पुगेको छ ।
सार्वजनिक सार्वजनिक ऋण व्यवस्थापन कार्यालयले आज सार्वजनिक गरेको उक्त ऋृणलाई प्रतिव्यक्ति भाग लगाउँदा एक नेपालीको टाउकोमा ८३ हजार ४३१ रुपैयाँ सार्वजनिक ऋण हुन आउँछ ।
बिज्ञापन
सार्वजनिक ऋण व्यवस्थापन कार्यालयले सार्वजनिक गरेको तथ्यांकअनुसार अघिल्लो आर्थिक वर्ष २०७९/८० मा सरकारको ऋण २२ खर्ब ९९ अर्ब रुपैयाँ थियो । बर्ष दिनमै सार्वजनिक ऋृण २०८०/८१ मा १ खर्ब ३४ अर्ब ६८ करोड रुपैयाँले थपिएको छ । सरकारको यस्तो ऋणलाई २०७८ को २ करोड ९१ लाख ६४ हजार ५७८ जनसंख्या अनुसार प्रति नेपालीको थाप्लोमा ८३ हजार ४३१ रुपैयाँ ऋण पर्छ ।
बिज्ञापन
अघिल्लो आर्थिक बर्षमा प्रतिव्यक्ति ऋण ७३ हजार आठ सय ६० रुपियाँ पर्न जान्थ्यो । गत आर्थिक वर्ष २०८०/८१ मा यस्तो ऋणमा सरकारले आन्तरिक र बाह्य गरी कुल ३ खर्ब ५८ अर्ब रुपैयाँ उठाएको थियो । यस्तो ऋणमा २ खर्ब ३४ अर्ब आन्तरिक ऋण र १ खर्ब २३ अर्ब बाह्य ऋण रहेको छ ।
