बजेटको विषयमा विवाद हुँदा कैलालीको जोशीपुर गाउँपालिका अध्यक्ष र वडाध्यक्षबिचको द्वन्द्वको कारण कर्मचारीहरूलाई हाजिरी गर्नबाट रोक लगाएको छ ।गाउँपालिका अध्यक्ष चित्रबहादुर चौधरी र गाउँपालिकाका प्रवक्तासमेत रहेका वडा नं. ४ का वडाध्यक्ष रामजनम चौधरीबिचको द्वन्द्वले कर्मचारीहरूलाई हाजिरी गर्नबाट रोक लगाएको हो । वडाध्यक्ष र गाउँपालिका अध्यक्ष दुवै नागरिक उन्मुक्ति पार्टीबाट निर्वाचित भएका हुन् । उनीहरूको विवादले वडा कार्यालयको सेवा प्रभावित भएको छ । यी दुई जनाबिच केही समय अघिदेखि नै विवाद चल्दै आएको छ ।
बिज्ञापन
उता गाउँपालिका अध्यक्ष चौधरीले वडाध्यक्षले आरोप लगाए जस्तो कुनै विवाद नरहेको र आफूलाई थाहा नभएको बताए । वडाध्यक्ष रामजनम चौधरीले गाउँपालिकाको बजेटमा अध्यक्ष चित्रबहादुर चौधरीले एकलौटी तथा मनलाग्दी गर्दै आएको आरोप लगाए ।उनले गाउँपालिकाका योजनाहरू जनतामुखी नभइ कर्मचारीमुखी योजना बनाएको समेत आरोप लगाए । त्यस्तै, वडाध्यक्ष चौधरीले वडामा ४४ लाखमात्र बजेट सिलिङ आएको र वडा नं. ४ को प्राथमिक स्वास्थ्य ईकाईको प्रमुख परिवर्तन गर्दासमेत समन्वय नभएको भन्दै वडाका कर्मचारीहरूलाई वडामा हाजिर गर्न नदिइ गाउँपालिकामा पठाइएको बताए ।
