एक जना उपसचिव (कार्यालय प्रमुख)ले चुस्त दुरुस्त सेवा दिन नसक्दा सेवाग्राही माथि अन्याय भयो भन्दै पदबाटै राजीनामा बुझाएर हिडेका छन् ।स्वीकृत दरबन्दी जम्मा १२ जना,सेवाग्राहीको भीड लाग्दछ,औसतमा दैनिक १२ सय बढी । यसरी ती सेवाग्राहीलाई प्रभावकारी सेवा दिन नसकेको र उनीहरुमाथि अन्याय भएको भन्दै राजीनामा बुझाउने शिक्षातर्फका उपसचिव शान्तिराम पौडेल । उनी सानोठिमीस्थित वैदेशिक अध्ययन अनुमतिपत्र (एनओसी) कार्यालयका प्रमुखको भूमिकामा थिए ।
बिज्ञापन
पछिल्लो समय प्रविधिमैत्री बनाइएको भनिए पनि एनओसी शाखामा दैनिक १२ देखि १५ सय बढी विद्यार्थीहरुको लाइन लाग्दै आएको छ । कार्यालयको क्षमताभन्दा बढी विद्यार्थी वैदेशिक अध्ययनका लागि एनओसी प्रमाणपत्रका लागि कार्यालयमा आएको र चुस्त र छिटो सेवा दिन नसक्दा सेवाग्राहीमाथि अन्याय भएको भन्दै हिजै शिक्षा विज्ञान तथा प्रविधि मन्त्रालयका सहसचिव कालिप्रसाद पराजुलीसमक्ष उनले राजीनामा पत्र बुझाएका छन् ।
बिज्ञापन
कार्यालयका अनुसार दैनिक तीन हजार बढी विद्यार्थीको भीड लाग्ने कार्यालयमा ११ जनामात्र कर्मचारीको दरबन्दी छ । जसमा कार्यालय प्रमुख १,शाखा अधिकृत ६,१ जना प्राविधिक सहायक र २ कम्युटर अपरेटरको दरबन्दी छ ।
उक्त शाखाका अनुसार हालसम्म एक लाख ११ हजार आठ सय विद्यार्थीको वैदेशिक अध्ययन अनुमति फारम स्वीकृत भएको हो । सन २०२२ मा एक लाख आठ हजार ८२९ जना विद्यार्थीले वैदेशिक अध्ययन अनुमतिका लागि एनओसी लिएकामा २०२१ मा ४३ हजार ७०६ र २०२० मा २५ हजार तीन सय विद्यार्थीले एनओसी लिएका थिए । सोही वर्षको अगस्टदेखि डिसेम्बरसम्मको तथ्यांक डिजिटलाइज्ड गरिएको छ भने अन्य तथ्यांक एनओसी कार्यालयको ढड्डामै राखिएको छ ।
बिज्ञापन
