विदेशी नागरिकलाई नेपाली नागरिकता दिलाएको आरोपमा एक जना अधिकृतलाई प्रहरीले पक्राउ गरेको छ । प्रहरीले बागमती प्रदेशसभा सचिवालयमा अधिकृत छैटौं तहमा कार्यरत रामचतन्द्र अर्याललाई चिनिँया नागरिकहरुलाई नागरिकता दिलाएको आरोपमा पक्राउ गरेको हो ।
बिज्ञापन
सुन तस्करीमा संलग्न चिनियाँ नागरिकलाई नेपाली नागरिकता दिलाएको आरोपमा उनलाई प्रहरीले कार्यालयबाटै पक्राउ गरेको हो । काभ्रे प्रहरीको अनुरोधमा अर्याललाई बुधवार प्रदेशसभा सचिवालयबाटै पक्राउ गरिएको हो ।
बिज्ञापन
जिल्ला प्रशासन कार्यालय काभ्रेमा नायब सुब्बाका रुपमा कार्यरत रहँदा सुन तस्करी प्रकरणमा जोडिएका चिनियाँ नागरिकहरु दावा छिरिङ र दावावाजिन वाङलाई वंशजको आधारमा नागरिकता दिलाउने उनको ठूलो भूमिका रहेको आरोप छ । सोही आरोपमा उनलाई पक्राउ गरिएको हो ।
अर्याल केही समय यातायात कार्यालय काठमाडौं, ठूलो भर्याङमा समेत काम गरे । त्यहाँबाट सरुवा भएर उनी बाग्मती प्रदेशसभा सचिवालयमा कार्यरत रहँदै आएका थिए ।
बिज्ञापन
