नेकपा एमाले माओवादी केन्द्रसहितको गठबन्धनबीच मन्त्रालयको भागबण्डा टुंगो लागेको छ । गठबन्धन दलहरुबीच नेकपा एमालेलाई ८, माओवादी केन्द्रलाई ५, रास्वपालाई ४ र जसपालाई २ मन्त्रालय दिने समझदारी बनेको छ।
जसअनुसार माओवादीले परराष्ट्रसहित अर्थमन्त्रालय पाउने सहमति भएको छ भने एमालेलाई भौतिक पूर्वाधार मन्त्रालय दिइने भएको हो । यस्तै रास्वपाका सभापति रवि लामिछाने पुन उपप्रधान तथा गृह सम्हाल्ने भएका छन् ।
बिज्ञापन
मन्त्रिपरिषदमा नेकपा एमालेको नेतृत्व सचिव रघुवीर महासेठले गर्ने भएका छन् । उनी उपप्रधानमन्त्री तथा भौतिक पूर्वाधारमन्त्री बन्ने एमाले निकट स्रोतले जनाएको छ ।त्यस्तै माओवादी केन्द्रबाट नारायणकाजी श्रेष्ठ परराष्ट्रमन्त्री र वर्षमान पुन अर्थमन्त्री बन्ने भएका छन् ।
बिज्ञापन
यता राष्ट्रिय स्वतन्त्र पार्टीका सभापति रवि लामिछानेले गृह मन्त्रालय पाउने स्रोतको दाबी छ । यस्का अलवा शिक्षा, श्रम र खेलकुद मन्त्रालय रास्वपाले पाउने भएको छ । शिक्षा मन्त्रालयको जिम्मा सुमना श्रेष्ठले पाउने भएकी छन्। श्रम मन्त्रालयमा उपसभापति डोलप्रसाद अर्याल र खेलकुद मन्त्रालयमा विराजभक्त श्रेष्ठलाई लगिने टुंगो लागेको छ ।
माओवादीबाट हितबहादुर तमाङ र एमालेबाट पदम गिरीले विना विभागीय मन्त्रीको जिम्मेवारी सम्हालिसकेका छन् । पदम गिरीलाई स्वास्थ्य मन्त्रालयको जिम्मेवारी दिने तयारी छ । यस्का अलवा एमालेबाट दामोदार भण्डारी, हरि उप्रेती, भगवती चौधरी, राजेन्द्र राई, ज्वालाकुमारी साह र बलराम अधिकारी पनि मन्त्री हुँदैछन । गठबन्धनका एक नेताका अनुसार,सञ्चार मन्त्रीमा रेखा शर्मा,ऊर्जा, जलस्रोत तथा सिँचाइ मन्त्रीका रूपमा शक्ति बस्नेतलाई नै ल्याइने तय भएको छ भने विना विभागीय मन्त्रीका रुपमा रहेका हितबहादुर तामाङ संस्कृति, पर्यटन तथा नागरिक उड्डयन मन्त्रालयको जिम्मेवारी पाउँदैछन् । लाखौंका संख्यामा रहेका कर्मचारीहरुको नेतृत्व गर्ने मन्त्रालयको जिम्मेवारी कस्ले लिने भन्ने बिषय निजामती वृत्तमा खुबै चासोका साथ हेरिएको छ । ठूला दलहरुको चासोमा संघीय मामिला तथा सामान्य प्रशासन मन्त्रालय पर्ने देखिएको छैन ।एकीकृत समाजवादीलाई २ र जसपालाई ३ मन्त्रालय दिइएको खण्डमा यी दलकै भागमा संघीय मामिला तथा सामान्य प्रशासन मन्त्रालय पर्ने देखिएको छ ।
बिज्ञापन
