सडक विभाग अन्तरगतको सडक डिभिजन काठमाडौंले वास्तविकता नबुझी स्वघोषित विज्ञ नबन्न चेतावनी दिएको छ ।
बिज्ञापन
आइतबारको सामान्य झरीले विभागको कार्यालय परिसरभित्रैको सडक हिलाम्मे भएको तस्वीर सामाजिक सञ्जालमा भाइरल भएपछि वास्तविकता नबुझी स्वघोषित विज्ञ नबन्न चेतावनी दिएको हो।
बिज्ञापन
‘निर्माणाधीन सडकमा आएको समस्यालाई लिएर वास्तविकता नबुझी तथा यस किसिमका स्वाभाविक समस्यालाई बुझी बुझी पनि बुझ पचाउने, आफूलाई पूर्वाधारविज्ञ सम्झिने, स्वघोषित विज्ञहरुले भाइरल हुनका निम्ति यस किसिमको हर्कत गर्नु अझ दुर्भाग्य हो,’ डिभिजनले प्रेस विज्ञप्ति जारी गर्दै भनेको छ, ‘सडक विभाग, सडक डिभिजन काठमाडौं मातहतका सडकहरुमा खाल्डारहित बनाउने अभियानमा जुटेको संस्थालाई यस किसिमको हर्कत भनेको मनोबल गिराउने, समाजमा नकारात्मक संदेश फैलाई देशमा केही राम्रो काम हुँदैन ।’
‘सामाजिक सञ्जालमा आएका यस किसिमका अतिरञ्जित प्रतिकृयाप्रति सजग रही वास्तविकता बुझेर मात्र प्रतिक्रिया दिन सरोकारवाला तथा सर्वसाधारणमा सडक डिभिजन काठमाडौं हार्दिक अपिल गर्दछ,’ सूचना भनिएको छ ।
