बर्तमान सत्ता गठबन्धन टुटेर नयाँ गठबन्धनको सरकार बन्ने भएको छ । कोशी प्रदेशमा कााग्रेसले दिएको धोका,महासमिति बैठकका गुटगत मह्त्वाकाँक्षा लगायतका कारण सबैभन्दा ठूलो दल नेपाली काँग्रेस सत्ताबाट बाहिर पुगेको छ ।नेपाली कांग्रेस, नेकपा (माओवादी केन्द्र), जसपा, नेकपा एससहितको गठबन्धन टुटेर नयाँ समीकरणको सरकार बन्ने भएको छ ।
बिज्ञापन
प्रमुख प्रतिपक्षी दल एमाले हिजो रातभरको अन्तिम कसरतपछि औपचारिक रुपमा आगामी बाटो तय गर्न बिहान सबेरैदेखि सचिवालय बैठकमा जुटेको छ । जसअनुसार नयाँ मन्त्रिपरिषद्मा नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी (रास्वपा) र जनता समाजवादी पार्टी (जसपा) बाट एक एक जना मन्त्री बन्न लागेका हुन ।पछिल्लो सहमतिअनुसार एमाले, रास्वपा र जसपाबाट एक-एकजना जनाले आजै मन्त्रीमा शपथ लिने तयारी गरेका हुन् । एमाले सचिवालय बैठकले पहिलो चरणमा एमाले संसदीय दलका प्रमुख सचेतक पदम गिरीलाई पठाउनेछ । यस्तै माओवादीबाट बर्षमान पुन मन्त्री बन्ने चर्चा चलिरहेको छ । रास्वपाबाट रवि लामिछाने नै जाने र उनलाई गृह मन्त्रालय दिन प्रचण्ड सहमत रहेको बताइएको छ । र जसपाबाट उपेन्द्र यादवनै मन्त्री बन्ने पक्कापक्की रहेको बताइएको छ ।
