बागमती प्रदेशका मुख्य न्यायाधिवक्ता ज्ञानेन्द्र नेपालले सरोकारवाला निकायबीचको अन्तर संबाद कार्यक्रमले न्याय सम्पादनमा सहज भई, न्याय प्राप्तीमा बिशेष टेवा पुग्ने बताएका छन् । मुख्य न्यायधिवक्ताको कार्यालय हेटौंडाले आयोजना गरेको कार्यक्रममा सभापतिको आसनबाट बोल्दै नेपालले सरोकार वाला निकायहरुले न्याय सम्पादनको क्रममा समन्वय गरि अगाडी बढनु पर्ने कुरामा विशेष जोड दिएका हुन।
यस्तै कार्यक्रमको प्रमुख अतिथि नायब महान्यायाधिवक्ता संजिवराज रेग्मीले संघ प्रदेश र स्थानीय तह -अन्तर सम्बन्ध तथा समन्वय) ऐन ले हाल देखिएका समस्या समाधान गर्न सहज हुने धारणा राखे ।

बिज्ञापन

मुख्य न्यायाधिवक्ताको कार्यालय, हेटौडाले सरोकार वाला निकाय संग समन्वय गर्ने प्रमुख उद्देश्यका साथ बिदुर ५, नुवाकोटमा दुई दिवसिय अन्तर संवाद कार्यक्रम आयोजना गरेको हो । कार्यक्रममा रसुवा,नुवाकोट,र धादिङ जिल्लाका न्यायका सरोकार वाला निकायका व्यक्तिहरु जिल्ला न्ययाधिबक्ताहरु, वार एशोसिएशन, श्रेस्तेदारहरु, तहसिलदारहरु, वैतनिक वकिलहरु, कारागार प्रमुखहरु संग अन्तर संवाद गरिएको थियो ।