एउटा नीजि बैंकमा राखिएको करोडौं बचत बैंककै कर्मचारीले झिकेर फरार भएको पाइएको छ । प्रसङ्ग हो झापा बिर्तामोडस्थित प्रभु बैंकको शाखा कार्यालयको । उक्त प्रभु बैंकको उक्त शाखामा मञ्जुकुमारी नेपालको सवा करोड बढी रकम गायब भएको पाइएको हो ।
बिज्ञापन
वचतकर्ता नेपालले ६ महिना मुद्धति खातामा उक्त शाखामा १ करोड १० लाख ४३ हजार रुपैयाँ जम्मा गरेर आफ्ना अमेरिकामा रहेका छोरा–बुहारी भेट्न उता गएकी थिइन । स्वदेश फर्किएर रकम निकाल्न खोज्दा दुई लाख रुपैंयाँ मात्र बचत रकम रहेको पाइएको हो ।
बिज्ञापन
बैंकका मार्केटिङ म्यानेजर प्रमोद सिटौलाले बचतकर्ता नेपालको एक करोड १७ लाख रुपैयाँ गायब पारेपछि बेपत्ता भएका बताइएको छ । उनी बुधबार बिहानदेखि सम्पर्कविहीन छन् । यो प्रकरणपछि प्रभु बैंकको केन्द्रीय कार्यालयले छानबिनका लागि टोली त्यसतर्फ खटाइसकेको छ ।
पेशाले पत्रकार टिकाराम (मञ्जुका श्रीमान)ले बैंकसँग आफ्नो पैसा फिर्ता मागेका छन् । उता जिल्ला प्रहरी कार्यालयमा मार्केटिङ म्यानेजर सिटौलाविरुद्ध जाहेरी दर्ता गराएका छन् ।
बिज्ञापन
