भौतिक पूर्वाधार तथा यातायात मन्त्रालय अन्तर्गतको यातायात व्यवस्था विभाग, यातायात कार्यालयमा दुई दिनसम्म सर्भर डाउन हुँदा रोकिएको काम सुरु भएपछि सेवाग्राहीको भीड थामिनसक्नु भएको छ। मंगलबारबाट विभागको सर्भर चल्न थालेपछि ठूलो भर्‍याङ यातायात कार्यालयमा बिहानैदेखि सेवाग्राहीको लाम लागेको छ।

बिज्ञापन

दुई दिनदेखि विभागको सवारी चालक अनुमतिपत्रको सेवा प्रवाहसम्बन्धी विद्युतीय प्रणालीमा समस्या आएको थियो। केन्द्रीय सर्भर डाउन भएसँगै देशभरका यातायात कार्यालयको काम प्रभावित बनेको थियो। सर्भरमा समस्या आएपछि सेवाग्राही मर्कामा परेका थिए। बायोमेट्रिक दर्ता, लाइसेन्स नवीकरण, राजस्व दाखिलालगायत काम ठप्प थिए।