अर्थमन्त्री बर्षमान पुनले सहसचिवहरुको जिम्मेवारी हेरफेर गरेका छन् ।

बजेट महाशाखाको हाकिम रितेश शाक्यलाई भ्रष्टाचार मुद्धा लागेसँगै रिक्त रहेको बजेट महाशाखाको जिम्मेवारी नरेन्द्र रानालाई दिइएको छ । राना अघिल्लो महिनामात्र भरतपुर महानगरपालिकाबाट अर्थमा तानिएका थिए । उनलाई धितोपत्र वोर्ड हेर्ने जिम्मेवारी दिइएको थियो ।
यस्तै दुई साता अघिमात्र प्रशासन महाशाखा प्रमुखको जिम्मेवारी सम्हालेका नारायण सापकोटालाई महालेखा नियन्त्रकको कार्यालयमा पठाएका छन् । सापकोटा राजश्व अनुसन्धान विभागबाट प्रधानमन्त्री तथा मन्त्रिपरिषद्को कार्यायमा जगेडामा रहेका थिए दश महिना । त्यहाँबाट गत चैत्रमा अर्थमा लगिएको उनलाई दुई महिनासम्म जिम्मेवारविहिन बनाएर राखिएको थियो ।
हालैमात्र महालेखा नियन्त्रक कार्यालयबाट राजेश्वर ज्ञवाली सामान्य प्रशासनमा पुगेपछि त्यो ठाउँमा सापकोटालाई खटाइएको हो । यता सापकोटाको ठाउँमा रामप्रसाद आचार्यलाई ल्याइएको छ ।
यस्तै सुशीला अर्याललाई महालेखा नियन्त्रकको कार्यालयमा पुगेका छन् । राष्ट्रपति कार्यालयमा कार्यरत एक अधिकृत सरुवा गर्न नमान्दा सामान्य प्रशासनबाट सरुवा भएर अर्थमा पुगेका रामकुमार महत्तोलाई भन्सार विभागको उपमहानिर्देशकको जिम्मेवारी दिइएको छ ।