अर्थमन्त्री वर्षमान पुनले बजेट निर्माणको अनुभव सुनाएका छन् । मन्त्रालयमा आयोजित पत्रकार सम्मेलनको क्रममा मन्त्री पुनले आफूले दोश्रो पटक बजेट पेश गर्न पाएपछि ‘रिल्याक्स मुड’मा रहेको बताउँदै बजेट निर्माण गर्दाका अनुभूति सुनाएका हुन ।
बिज्ञापन
‘राजनीतिक रुपमा संसदमा बजेट पेश हुन्छ कि हुँदैन भन्ने थियो,’ पुनले भने, ’अहिले रिल्याक्स मुडमा छौं । मन्त्री पुनले बजेट निर्माणका क्रममा हतार र दबाब दुवै झेल्नुपरेको बताए । त्यसक्रममा उनले रातभर बसेर बजेट निर्माण गरेको सुनाए । ‘खासगरी म अस्ति राति बिहान साढे तीन बजेसम्म मन्त्रालयमा बसेँ’, मन्त्री पुनले अनुभव सुनाउँदै भने, ‘र बिहानीपख मात्र गएर केही समय सुतेर बजेट प्रस्तुत गर्नुपर्ने अवस्था बन्यो ।’
बिज्ञापन
मन्त्री पुनले भने, ‘अर्थ सचिव मेट्रेस लिएर आउनुभएको रहेछ, उहाँ यहीँ सुत्नुभयो । राजश्वसचिव चाहीँ चार बजेपछि घर जानुभयो ।’ उनले बजेट बनाउन जुटेका धेरै कर्मचारीहरू मन्त्रालयमै बस्नुपर्ने अवस्था बनेको भन्दै सबैको सहयोग र शुभेच्छाका कारण बजेट तयार गर्न सफल भएकोमा आफू हर्षित रहेको बताए ।
